1. Tessalonikarja 2:11 - O Debleskro Lab 2024 (Sinte-Manouche)

^11-12 T'mer djinenna, mer rakram t'mentsa har i dad peskre čaventsa. Hakenes t'mendar rakram an o dji lače oun zorele labentsa, te djivenn t'mer yaake, te vell o Devel sharedo. Yob das t'men gole, te djivenn pash leste an o bolepen oun lenn leskro raylepen.

O Debleskro Drom 2021 (Sinte)

^11-12 Tumer djinenna, mer rakram tumentsa har i dad peskre tchawentsa. Hakenes tumendar rakram an o dji latche un sorele labentsa, te djiwenn tumer jaake, te well o Dewel sharedo. Job das tumen gole, te djiwenn pash leste an o bolepen un lenn leskro railepen.

1. Tessalonikarja 2:11 Referans Kwoze

Hebrearja 13:22

Mire phrala, me mangau t'men, shounenn ap kol laba, hoy me t'menge an kava tikno liil činom!

1. Timoteo 5:21

Me penau touke zoreles glan o Debleste, oun glan o Yezous Kristeste, oun glan kol Debleskre bolepangre, te rikress tout ap ko koova, hoy me touke kanna penom! Pash hakeneste dja pal o čačepen! Ma tserde yekes glan o vavareste!

2. Tessalonikarja 3:12

Kolenge penah mer an o lab maro rayestar, o Yezous Kristestar, te boudrenn le, te nay ginenn le penge, hoy len hounte vell djipaske.

1. Tessalonikarja 5:11

Dran kova, rakrenn kal laba yek ap o vavareste, te dell yek o vavares zoor, yaake har t'mer kova ninna krenna!

1. Tessalonikarja 2:7

Mer ham o Yezous Kristeskre bičepangre oun nay penams t'menge zoreles, hoy te krenn. Kova kram gar. Na-a, mer hams kamlo ap t'mende, har i day ap peskre čavende.

1. Familjakro liil 28:20

Oun o David penas ap peskro čaveste, o Salomo: “Ab zorelo, ma traash oun kre tout ap i boudi! Ma dare či oun ma traash kekestar! O baro Devel, maro ray, kay miro Devel hi, hi pash toute oun vell touke ap i rig. Oun yob moukell tout gar, bis te tou kay tseli boudi ap o baro Debleskro kheer kral.

5. Mose 3:28

Oun pen ap o Yosua: Ma traash, ab zoreles! Yob hi kova, kay djal glan i Israelitaryen vergel o pani Yordan, oun anell len dren an ko them, hoy tou dikeh, te lenn le les penge dren.”

Tito 2:15

Pen kava lauter i patslenge! Rake an lengre djia! Te krenn le čomone, hoy gar mishto hi, pen les lenge an o Debleskri zoor! Hakeno hounte shounell ap toute.

Tito 2:6

Pen i terne morshenge zoreles, te denn le yak, hoy yon rakrenna oun krenna!

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.

1. Timoteo 6:13

Me penau touke glan o Debleste, kay krell lauter djido, oun glan o Yezous Kristo, kay penas o čačepen glan o Pontio Pilato:

1. Timoteo 6:2

Kol boudepangre, kay hi len patsle raya, hounte dikenn gar tele ap pengre rayende. Na-a, yon hounte boudrenn lačeder lenge. Kolla hi lengre phrala. Oun o Devel kamell len o djiyestar. Oun yon krenn ninna lačo koova. Kova pen i patslenge an o dji, te krenn le les!

1. Timoteo 5:7

Pen i patslenge, te djivenn le pal kal laba, te hatsell kek i doosh ap lende!

1. Tessalonikarja 4:1

Mire phrala, mer sikram t'mende, har te djivenn t'maro djipen yaake, te vell o Devel barhtelo pral t'mende. Oun kova krenn t'mer. Kanna mangah t'men yaake har maro ray, o Yezous, mangals t'mendar: Krenn kova gomme boudeder oun feteder!

Bičepangre 20:2

Kote djas lo an i gaba oun forya, kay i patsle khetne venna, oun das len zoor an lengro patsepen. Koy pal vas lo an o grichtikro them.

Gosewe laba 7:24

Doleske, mire čave, shounenn ap mire laba! Denn yak ap miro rakepen!

Gosewe laba 7:1

Miro čavo, rike mire laba, oun hoy touke penom, khate an tiro dji!

Gosewe laba 6:1

Miro čavo, dal tou tiro dadeskro vast i vavareske oun penal, te playsreh koleskri siyaan?

Gosewe laba 3:1

Miro čavo, ma biste kova, hoy touke sikrom, rike mire laba an tiro dji!

Gosewe laba 2:1

Miro čavo, shoun ap mire laba, oun rike tout ap kova, hoy me touke penom,

Gosewe laba 1:15

Miro čavo, ma dja lentsa ap lengro drom! Rike tout krik lendar!

Gosewe laba 1:10

I čilače, te penenn le: Dik, hoy krah! Palle dja gar koy!

Debleskri gili 34:11

I bare divye margodje hatsenn gar hako dives doha rhapaske oun hounte bokenna. Kol menshen, kay rodenn o baro Debles, hi lauter doha djipaske.

1. Familjakro liil 28:9

Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.

5. Mose 31:14

O baro Devel penas ap o Mose: “Tire divessa van, te hounte meress: De o Yosua gole, oun ab khetne leha pash o Debleskro plarhteno kheer, te čivap les dren an leskri boudi.” Oun o Mose oun o Yosua djan dren an o Debleskro plarhteno kheer,

4. Mose 27:19

oun an les glan o rashayeste Elazar oun glan i tsele Israelitarya. Oun pen lenge halauterenge, te hi yob kova, kay pal toute lengro ray vell.

Tito 2:9

Pen kolenge, kay hounte boudrenn i rayeske, te shounenn le hako tsiro ap leste, te krenn le kova, hoy yob kamella, te rakrenn le leske gar pale,

Efesarja 4:17

Me penau t'menge zoreles, hoy mange o ray Yezous penas: Ma djivenn bouder har kol menshe, kay prindjrenn o Debles gar! Kova, hoy an lengro shero trouyel djala, hi či moldo.

Louka 16:28

Man hi panč phrala. Kolenge hounte penell yob, har mange djala, te venn yon gar koy, kay me hom, oun bare douka lom.

1. Tessalonikarja 4:6

Kek hounte rhorhell peskro phrales. Koon kova krella, koles dell o Devel i phagi. Yaake penam t'menge, oun dam t'men trad.

1. Tessalonikarja 5:14

Mire phrala, kanna penah t'menge, hoy te krenn: Denn kolen trad, kay kamenn gar te boudrell! Rakrenn kolentsa mishto, kay hi dareno! Krenn kolen zoreles, kay hi gar zorelo an o patsepen! Denn kekes sik pre!

3. Johanni 1:4

Pral kek vavar koova hom yaake barhtelo, har te shounap, kay mire čave ap o čačo drom djana.

2. Tessalonikarja 2:5

Djinenn t'mer bouder gar, har penom t'menge kova lauter, har pash t'mende homs?