1. Samuel 7:14 - O Debleskro Lab 2024 (Sinte-Manouche)

¹⁴ Oun o Israel las peske kol forya pale, kolen i Filistarya lendar krik lan an o them mank Ekron oun Gat. Kal forya las o Israel vin dran i vasta i Filistarendar. Oun ninna mank i Israelitarya oun i Amorarya his bouder kek kourepen.

O Debleskro Drom 2021 (Sinte)

¹⁴ Un o Israel las peske kol forja pale, kolen i Filistarja lendar krik lan an o them mank Ekron un Gat. Kal forja las o Israel win dran i wasta i Filistarendar. Un ninna mank i Israelitarja un i Amorarja his buder kek kurepen.

1. Samuel 7:14 Referans Kwoze

Debleskri gili 106:34

Mare phoure maran gar kol vavar menshen an o them, har o baro Devel lenge penas.

Čačepangre 4:17

O Sisera nashas pash o plarhteno kheer, kay djivas i Yael. Kolakro rom his o Kenari Heber. Mashkral o baro rayeste pral o foro Hazor, o Yabin, oun o Kenari Heber his kek kourepen. Yon his penge lačes.

5. Mose 7:16

T'mer hounte marenn i tsele natsyone, hoy t'maro baro Devel an t'mare vasta dell. Yon hounte khaytenn t'men gar, oun lengre deblen hounte mangenn gar an. Yon anans t'men an i bibarht.

5. Mose 7:2

Te dell t'maro baro Devel len an t'mare vasta, oun t'mer denn len, palle hounte marenn len halauteren. T'mer hounte krenn gar lentsa vin, te venn lengre mala, oun hounte sikrenn kek lačepen ap lende.

4. Mose 13:29

An o them Negev djivenn i Amalekarya. An o pralstouno them djivenn i Hetarya, i Yebousarya oun i Amorarya. Pash o baro pani oun pash o pani Yordan djivenn i Kanaanitarya.”

Josua 10:5

Koy van kol panč bare raya pral i Amorarya khetne: kol bare raya pral i forya Yerusalem, Hebron, Yarmout, Lakish, oun Eglon. Oun lengre tsele lourde van lentsa. Oun yon djan khetne oun čivan pen troul o foro Gibeon, te lenn le les dren oun kouran pen lentsa.

Josua 15:11

oun palle doureder ap i tikni berga, hoy ap i nordetikri rig o forestar Ekron hi, oun doureder pash o foro Shikkaron oun doureder pash i berga Baala, oun doureder bis pash o foro Yabneel oun pash o Baro Pani.

1. Familjakro liil 18:1

Pal kova kouras pes o David i Filistarentsa oun his zorleder har yon, oun las o foro Gat oun i gaba troul Gat dran lengro vast.