1. Samuel 7:10 - O Debleskro Lab 2024 (Sinte-Manouche)

¹⁰ Oun har yob gomme o bakres rhačras, van i Filistarya te kourenn le pen i Israelentsa. Oun o baro Devel moukas o bolepen bari gole te dell pral lende ap ko dives, yaake te tapras kol Filistaryen i bari daar, oun yon nashan penge glan i Israelitarya.

O Debleskro Drom 2021 (Sinte)

¹⁰ Un har job gomme o bakres chatchras, wan i Filistarja te kurenn le pen i Israelentsa. Un o baro Dewel mukas o bolepen bari gole te dell pral lende ap ko diwes, jaake te tapras kol Filistarjen i bari daar, un jon nashan penge glan i Israelitarja.

1. Samuel 7:10 Referans Kwoze

1. Samuel 2:10

Kolla, kay čingrenn ap baro Debleste, venn moulo dino. Dran o bolepen bičrell o Devel peskri rholi pral lende. O baro Devel dell i tseli phoubyat peskri phagi. Yob rodell koles vin, kay baro ray vell, oun dell les bari zoor.

1. Samuel 12:17

Kanna hi o tsiro, kay o djob dren anlo vell. T'mer djinenn, kova hi gar o tsiro, kay dell brishin. Oun me dau kanna ap o baro Debleste gole, te bičrell yob brishin oun moukell o bolepen gole te dell. Palle hayvenn t'mer, te his kova, hoy kran, i baro čilačepen glan o baro Debleste, har mangan mandar i baro rayes pral t'mende.”

Čačepangre 5:20

Ninna i bolepangre momlia djan an o kourepen. Ap lengre dromma djan le ap o Sisera pre.

Josua 10:10

Oun o baro Devel kras len yaake dareno, te nay maran len i Israelitarya phares pash o foro Gibeon. Oun yon lan len palla ap ko drom tele pash o foro Bet-Horon, oun maran len bis pash i forya Aseka oun Makkeda.

Zakarie 4:6

“Kol efta momlia hi o baro Debleskre yaka, hoy lauter dikenn, hoy ap i phoub djala.”

Čačepangre 5:8

Mire menshe rodan penge vavar debla! Kote vas o kourepen glan lengre voudya. Oun pash 40.000 (star-deesh-zerya) morsha an Israel vas kek rharo hatslo, vitar kek shilto.

Čačepangre 4:15

Oun har djan le pengre rharentsa ap o Sisera oun ap leskre tsele vourdya oun lourdende pre, kote kras o baro Devel, te trashenn kolla yaake, te stas o Sisera peskro vourdin tele, oun nashas peske.

1. Samuel 7:11

Oun i Israelitarya djan vin dran Mispa, oun lan len palla yaake dour har Bet-Kar, oun dan len moulo ap o drom.

1. Samuel 14:15

Oun i bari daar peras ap kol Filistarya, – ap lengri platsa oun ninna vin ap o them – ap kol tsele lourdende, ninna ap kolende, kay yak denn oun ap kolende, kay vin djan, te randenn le. Oun i phoub trissas. Yaake bičras o Devel i bari daar ap i tsele Filistarya.

Debleskri gili 29:3

O baro Debleskro rakepen vell shounlo pral i panya. Te dell o zorelo Devel gole, hi kova har koy bari gole, hoy dell o bolepen, te dell baro brishin. O baro Devel hi o ray pral i tsele bare panya.

Debleskri gili 29:4

Leskro rakepen hi pherdi zoor, oun sikrell havo baro ray yob hi.

5. Mose 28:7

O baro Devel dell kolen, kay hadenn pen pral t'mende, te kourenn le pen t'mentsa. Ap yek drom venn le, te djan le ap t'mende, oun ap hake rigya hounte nashenn le penge t'mendar.

Debleskri gili 18:15

Oun yob das yag karye dran o bolepen kate te kote, oun tradas i volke krik.

Debleskri gili 78:66

Oun yob das kolen, kay kouran pen peskre menshentsa oun tradas len pale. Lengri ladj ačas hako tsireske ap lende.