1. Samuel 4:2 - O Debleskro Lab 2024 (Sinte-Manouche)

² Oun i Filistarya djan ap i Israelitaryen pre. Oun o kourepen vas pharo. Oun i Filistarya dan i Israelitaryen yaake phares, te meran lendar star-zerya (4.000) morsha an kava marepen.

O Debleskro Drom 2021 (Sinte)

² Un i Filistarja djan ap i Israelitarjen pre. Un o kurepen was pharo. Un i Filistarja dan i Israelitarjen jaake phares, te meran lendar star-serja (4.000) mursha an kau marepen.

1. Samuel 4:2 Referans Kwoze

Ropaskre gilja 3:40

Dikas ap maro djipen, har mer djivah, oun rissras trouyel pash o baro Debleste.

1. Samuel 17:21

Oun o Israel oun i Filistarya čivan pen tardo o marepaske, yek rig vergel koy vavar.

1. Samuel 17:8

Oun o Goliat čivas pes koy tardo, oun das gole ap i lourdende dran o Israel, oun penas ap lende: “Hoske djan t'mer lauter vin oun čivan t'men tardo o marepaske? Me hom ko yek Filistari, oun t'mer lauter han či har o Sauleskre boudepangre. Rodenn yek morshes dran t'mende vin, te vell lo kay tele pash mande!

Josua 7:12

Doleske nay venn i Israelitarya bouder gar zorele pral kolende, kay kourenn pen lentsa. Oun yon hounte nashenn lendar. Kanna hi yon kolla, kay hounte darenn lengro djipaske. Me hom bouder gar t'mentsa yaake rah, har anenn t'mer gar ko koova dran t'mende krik, hoy mandar čoran.

1. Samuel 4:1

An ko tsiro van i Filistarya khetne te kourenn le pen i Israelentsa. Oun o Israel djas vin an o kourepen lentsa. Oun i Israelitarya his tardo pash Eben-Eser, oun i Filistarya pash o foro Afek.

1. Samuel 4:3

Oun har i lourde pale ap pengri platsa van, poučan i phoureder dran Israel: “Hoske kras o baro Devel, te dan men i Filistarya kava dives? Mer te las o morhton dran Shilo pash mende, kay o Debleskre deesh laba dren hi. Palle hi o baro Devel mashkral mende, oun lell men vin dran i vasta kolendar, kay kourenn pen mentsa.”

1. Samuel 4:10

Oun i Filistarya maran pen i Israelentsa oun dan len. Oun i Israelitarya nashan penge, hakeno an peskro plarhteno kheer. Oun yon van phares dino, yaake phares, te meran lendar triyanda-zerya (30.000) morsha.

4. Mose 14:45

Koy van kol Amalekarya oun kol Kanaanitarya, kay ap i berga djivan, tele, oun dan len, oun lan len palla bis pash o foro Horma.