1. Samuel 4:12 - O Debleskro Lab 2024 (Sinte-Manouche)

¹² Oun i morsh dran o kheer Benyamin nashas o tselo drom foun kotar, kay o marepen his, bis pash o Shilo ap yek dives. Yob kras peskre koola paash oun čivas čik ap peskro shero, te sikrell lo, har leskro dji rovas.

O Debleskro Drom 2021 (Sinte)

¹² Un i mursh dran o kheer Benjamin nashas o tselo drom fun kotar, kai o marepen his, bis pash o Shilo ap jek diwes. Job kras peskre koola paash un tchiwas tchik ap peskro shero, te sikrell lo, har leskro dji rowas.

1. Samuel 4:12 Referans Kwoze

Josua 7:6

Har o Yosua kova dikas, doukas leskro dji yaake, te kras lo peskre koola, hoy ap leste his, paash, oun moukas pes i mouyeha ap i phoub te perell, – glan o morhton, kay o baro Debleskre deesh laba dren his, oun ačas yaake čiddo bis ap i rat. Ninna i phoureder an Israel kran kova yaake. Oun yon vitsran čik ap pengre shere.

Hiob 2:12

Har dikan le les foun doural, prindjran le les gar bouder pale. Oun yon rovan phares. Oun zoryah tserdas hakeno lendar peskre koola pestar tele, oun kras len paash. Oun yon vitsran čik pre oun ap pengre sherya.

Nehemia 9:1

Oun ap o 24. (biish-te-starto) dives an kava čon van i Israelitarya khetne, oun yon rhan či oun rivan pen an gone oun čivan čik ap pengre sherya.

2. Samuel 15:32

Oun o David vas pral ap i berga, kote, kay o Devel an-mangedo vella. Kote tapras lo peskro males, o Houshay, i menshendar Arki. Les his i paashno ripen ap leste oun čik ap leskro shero.

2. Samuel 1:2

Koy vas o triinto dives i morsh o Sauleskre lourdendar. Koleskre koola his paash, oun čik his ap leskro shero. Oun har yob pash o Davideste vas, vitsras yob pes glan leste ap i phoub, oun sharas les.

2. Samuel 13:19

Oun yoy rissras o ripen an kotya dran doukatar, vitsras čik ap peskro shero, čivas peskro vast ap o shero, oun djas peske i zorelo ropah.

Jeremia 26:6

palle krau kava khereha har ko khereha an Shilo. Oun me krau, te penenn i vavar menshe, te kamenn le yekes te praasell: Mou djal touke har o foreske Yerusalem!

Ezekiel 24:26

Ap ko dives, kay krau kova, vell yek pash toute, kay nay nashas peske, te penell lo kova touke.

Ezekiel 27:30

Hi i bari gole, hoy le pral toute denn, oun o djiyestar troul toute rovenn. Ap lengre sherya vitsrenn le čik, oun čivenn pen an i yagakri čik.