1. Samuel 29:2 - O Debleskro Lab 2024 (Sinte-Manouche)

² Oun i pralstoune Filistarya djan pengre shelentsa oun pengre zeryentsa. Oun pal lende djas o Akish o Davideha oun leskre morshentsa.

O Debleskro Drom 2021 (Sinte)

² Un i pralstune Filistarja djan pengre shelentsa un pengre serjentsa. Un pal lende djas o Achish o Davideha un leskre murshentsa.

1. Samuel 29:2 Referans Kwoze

Josua 13:3

oun ko them, kay i Kanaanitarya djivenn, mank o pani Shihor, hoy glan o them Egiptia nashell, oun o foro Ekron, kay kote čiddo hi, kay norden hi; oun kol panč forya, pral kolende panč Filistarya i raya hi: Gaza, Ashdod, Ashkelon, Gat oun Ekron; koy pashel ko them, kote kay o kham pralstounes hi, oun kay i Avarya djivenn;

1. Samuel 6:4

Oun yon poučan: “Hoy hi kova hoy mer hounte das leste, te vell lauter pale mishto?” Yon penan: “Panč raya hi an o them Filistia. Len oun t'men hi o emligo nasslepen. Doleske krenn panč sonakangre figure, hoy vin dikenn har o doukepen, hoy ap t'maro mass vas, ninna panč sonakangre figure, hoy vin dikenn har kol kermuse, kay rhan t'maro them pre. Denn kolen o Israeleskro Debleste. Yaake sikrenn t'mer leste, te djinenn, har baro yob hi. Nay vell, te lell lo peskro vast t'mendar pale, ninna t'mare deblendar oun t'maro themestar.

4. Mose 10:25

Pal lende djan kol menshe dran o kheer Dan. Lengro pralstouno his o Ahiyeser, koleskro dad o Ammishadday hi. Lentsa djan kol menshe dran o kheer Asser oun dran o kheer Naftali. O pralstouno pral o kheer Asser his o Pagiel. Leskro dad hi o Okran. Oun o pralstouno pral o kheer Naftali his o Ahira, koleskro dad o Enan hi.

1. Familjakro liil 12:19

Kote vas o Debleskro dourho pral o Amasay, ko pralstouno pral i triyanda zorele kourepangre, oun yob penas: David, tire ham mer! ap toute rikrah men, tou o Isayeskro čavo! Lačepen oun barht mou vell pral toute, oun ninna pral kolende, kay pash toute hi! Tiro Devel hi ap tiri rig! Koy las len o David pash peste, oun kras lendar pralstoune pral peskre lourdende.