1. Samuel 28:5 - O Debleskro Lab 2024 (Sinte-Manouche)

⁵ Har o Saul kol boud lourden i Filistarendar dikas, tapras les i bari daar.

O Debleskro Drom 2021 (Sinte)

⁵ Har o Saul kol bud lurden i Filistarendar dikas, tapras les i bari daar.

1. Samuel 28:5 Referans Kwoze

Daniel 5:6

Koy vas o baro rayeskro mouy parno. Oun yob trashas yaake, te nashras lo haki zoor, oun leskre herya trissan.

Jesaja 7:2

Oun har o baro rayeske pral Youda penlo vas, kay čivan i Syrarya pengre plarhtene khera pre an o Efrayimeskro them, kote trissas lo i trashatar. Oun ninna i tsele menshe an Youda trissan yaake har i rouka an i vesha trissenn, te phourdell i zorelo dourho.

Gosewe laba 10:24

Kolestar i čilačo darell, kova vell pral leste. Oun kova, hoy i lače mangenna, kova vell lenge dino.

Debleskri gili 73:19

Ap yek kopo hi le bouder gar koy. Lengro merepen nay vals gar djoungleder!

Hiob 18:11

Troul leste trouyel vell haki rigyatar bari traash, oun lell les palla, kay yob ninna stakrell.

Hiob 15:21

An leske kanda shounell lo i gole, hoy krell leske daar. An ko tsiro, kay leske lačes djal, vell o marepaskro pral leste.

1. Samuel 28:4

Har kanna i Filistarya khetne van, oun čivan pengre plarhtene khera pre pash o foro Shounem, koy moukas o Saul i tsele Israelengre morshen khetne te vell. Oun yon čivan pengre plarhtene khera pre ap koy berga Gilboa.

1. Samuel 28:6

Oun o Saul poučas o baro Debles, hoy te krell lo. Oun kova penas leske či, das les kek souni, rakras gar leha kol tikne barrentsa, hoy vitsedo van, te sikrenn le, hoy kerdo hounte vella. Vitar gar nay penas leske i Debleskro rakepaskro, hoy te krell lo.