1. Samuel 27:12 - O Debleskro Lab 2024 (Sinte-Manouche)

¹² Oun o Akish patsas o Davides, oun penas peske: “Yob kras pes pash peskre menshende Israel yaake khandles, te ačell lo hako tsireske miro boudepaskro.”

O Debleskro Drom 2021 (Sinte)

¹² Un o Achish patsas o Davides, un penas peske: “Job kras pes pash peskre menshende Israel jaake khandles, te atchell lo hako tsireske miro budepaskro.”

1. Samuel 27:12 Referans Kwoze

1. Samuel 13:4

Oun i tsele Israelenge vas penlo: “O Saul maras kol lourden i Filistarendar, kay yak dan. Oun kanna hi len rholi ap o tselo Israel.” Oun i tsele Israelengre lourde van khetne gole dino, te djan le an Gilgal pash o Saul.

1. Mose 34:30

Koy penas o Yakob ap o Simeon oun ap o Levi: “T'mer anan bibarht oun ladj ap mande pash kolende, kay djivenn an kava them: pash i Kanaanitarya oun i Perisarya. Mer ham gar boud menshe. Te venn yon lauter khetne oun perenn pral mende, denn le men moulo. Oun me merau miri tseli familyah.”

2. Mose 5:21

“O baro Debleskri rholi vell ap t'mende! T'mer kran, te ham o Faraeske oun leskre pralstunenge har djoukle. Kanna hi an lengre vasta, te nay marenn le men.”

1. Samuel 27:11

Oun o David moukas kek morshes oun kek djouvyat djides. Yob kamas gar, te nay vell yek an foro Gat oun penell kote, hoy yob peskre morshentsa čačepah kras. Oun yaake kras kova o David o tselo tsiro yaake rah, har yob an o them Filistia djivas.

1. Samuel 28:1

An kol divessa dan i Filistarya pengre tsele lourden khetne gole, te djan le an o kourepen i Israelentsa. Oun o Akish penas ap o David: “Tou djiness, te hounte djas tou oun tire morsha mantsa khetne an kava kourepen.”

2. Samuel 10:6

Har kol Ammonarya dikan, kay kran le o Davides moulo rhoyedo, ginan le lourden dran vavar themma: 20.000 (biish-zerya) Syrarya dran o foro Bet-Rehob oun dran o foro Soba, 1.000 (yek zero) lourde o baro rayestar pral o them Maaka, 12.000 (deesh-te-douy-zerya) lourde dran o them Tob.