1. Samuel 26:21 - O Debleskro Lab 2024 (Sinte-Manouche)

²¹ Oun o Saul penas: “Me lom doosh ap mande, miro čavo. Am pale pale! Me kamau touke bouder kek čilačepen te krell. Dikau, miro djipen his kava dives kouč an tire yaka! Kova hoy me krom, his dineles, oun anom bari doosh ap mande!”

O Debleskro Drom 2021 (Sinte)

²¹ Un o Saul penas: “Me lom doosh ap mande, miro tchawo. Am pale pale! Me kamau tuke buder kek tchilatchepen te krell. Dikau, miro djipen his kau diwes kutch an tire jaka! Kowa hoi me krom, his dineles, un anom bari doosh ap mande!”

1. Samuel 26:21 Referans Kwoze

1. Samuel 24:17

Har o David kol laba ap o Sauleste rakras, penas o Saul: “Shounau me gar tout, miro čaves David, kate?” Oun o Saul rovas zoreles.

1. Samuel 15:24

Koy penas o Saul ap o Samuel: “Me lom doosh ap mande, har shounom gar ap o baro Debleste, oun krom gar, hoy tou penal. Me darom i menshendar oun shounom ap lende.

2. Mose 9:27

Kote bičras o Farao pash o Mose oun o Aron, te venn le, oun penas ap lende: “Kava kopo anom doosh ap mande. O baro Debles hi čačes. Man oun mire menshen hi gar čačo.

Mateo 27:4

Oun yob penas ap lende: “Me anom doosh ap mande. Me phoukrom ap koleste, kay kek doosh ap peste anas.” Penan le: “Kova hi gar maro koova. Kova hi tiro koova.”

1. Samuel 15:30

“Me lom doosh ap mande”, penas o Saul pale. “Ninna te hi yaake, mangau tout, hade man glan i phourende mire menshendar oun glan o Israel, oun dja mantsa pale, te nay sharap tiro baro Debles.”

Debleskri gili 116:15

O baro Devel dikell i doukentsa ap o merepen peskre menshendar.

Debleskri gili 49:8

Kek menshes hi doha love, te nay ginell lo peskro phraleskro djipen o Deblestar, oun peskro djipen vitar gar.

1. Samuel 27:4

Oun har le o Sauleske penan, te nashas o David an o foro Gat, rodas yob les bouder gar.

1. Samuel 26:24

Dik, yaake har tiro djipen an mire yaka boud moldo his, yaake vell miro djipen an o baro Debleskre yaka boud moldo. Oun yob lell man vin dran halauter, hoy miro djipen phares krell.”

1. Samuel 18:30

Oun boud kope an o marepen i Filistarentsa his o David zorleder har hako vavar o Sauleskre pralstoune lourdendar. Oun o Davideskro lab vas sharedo oun hadedo.

4. Mose 22:34

Koy penas o Bileam ap o baro Debleskro bolepaskro: “Me anom doosh ap mande. Me djinom gar, kay tou kamal man pale te rikrell ap o drom. Oun kanna, te hi kova touke gar mishto, yaake djau me pale pale.”

1. Samuel 26:22

Oun o David penas: “Dik, kate hi o baro rayeskro vitsepaskro čouri! Biče yekes kol terne morshendar kay vergel, te anell lo les touke!

Debleskri gili 72:14

Yob lell len vin dran o vast kolendar, kay lenge o djipen phares kran. Oun kolendar, kay len dava dan, lell lo len krik. Lengro djipen hi leske boud moldo.

1. Samuel 13:13

O Samuel penas ap o Saul: “Tou kral dinelo koova, oun kral gar pal ko lab, hoy penal touke o baro Devel, kay tiro Devel hi. Te krals tou pal ko lab, čivals lo tout hako tsireske pral o Israel, te ačals lengro baro ray.

2. Rajengro liil 1:13

Koy bičras o baro ray pale o triinto kopo i pralstouno lourdes, kay his les penepaske pral paash-sheel lourdende. Oun kolla van leha. Har kova pash o Eliya vas, djas yob glan o Eliya ap peskre čanga, mangas lestar peskro djipen oun penas: “Debleskro morsh, mouk te vell miro djipen kouč glan tire yaka, ninna o djipen kal paash-sheel morshendar.

2. Rajengro liil 1:14

Tou djineh, yag peras dran o bolepen oun rhačras kol douy pralstunen pre pengre lourdentsa, kay van glan mande pash toute. Kanna mouk man ap o djipen, te djal mange gar har lenge!”