1. Samuel 25:38 - O Debleskro Lab 2024 (Sinte-Manouche)

³⁸ Oun pal deesh divessa, kote das o baro Devel o Nabales, oun yob meras.

O Debleskro Drom 2021 (Sinte)

³⁸ Un pal deesh diwessa, kote das o baro Dewel o Nabales, un job meras.

1. Samuel 25:38 Referans Kwoze

1. Samuel 26:10

Palle penas lo: “Me dau man sovel pash o djido Debleste: Yob kokres marell les, nay vell ap leskro tsiro, kay hounte merell lo, nay vell an o marepen.

Bičepangre 12:23

Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.

2. Familjakro liil 10:15

Oun yaake shounas o baro ray gar ap i menshende. Kova kamas o baro Devel yaake, te nay vell leskro lab čačo, hoy lo o Ahia dran Shilo an o mouy čivas, te penell kova les ap o Yerobeam, koleskro dad o Nebat hi.

2. Rajengro liil 19:35

Oun an koy rati vas o baro Debleskro bolepaskro kote, kay i lourde dran o them Assour sovan, oun maras 185.000 (sheel-orhta-deesh-te panč zerya) morsha lendar. Oun har le taysarlakro pre stan, his kote lauter moule čiddo.

2. Rajengro liil 15:5

Oun o baro Devel moukas i djoungelo nasslepen ap leste te vell. Oun yaake rah har yob djivas, his lo nasselo ap peskro mass, oun hounte djivas peske an i kheer. Leskro čavo, o Yotam, his o pralstouno pral o rayeskro kheer, oun his o čačepaskro ray pral i menshende an o them.

2. Samuel 6:7

Kova hounte krals lo gar. Yob hounte tapras gar i Debleskro koova an. Koy vas o baro Debleskri rholi pral o Ouza. Oun o Devel maras les koy. Oun yob meras koy pash o Debleskro morhton.

1. Samuel 25:33

Oun sharedo vell tiro gosvepen, te rikral tou man kava dives pale, te anap rat ap mande, oun dap miro vasteha pale!

1. Samuel 6:9

Palle sikrell pes, havi rigyatar koy bari bibarht pral mende vas: Te djan le pre an lengro them, ap o drom an Bet-Shemesh, palle his o baro Devel, kay savi bari bibarht ap mende anas. Te djan le ap i vavar rig, palle hayvah, te his gar leskro vast, hoy men das, oun kava tselo koova čičeske ap mende vas, oun kek bičras les.”

2. Mose 12:29

Oun mashkral an i rat maras o baro Devel i tsele morsh čaven, kay his i phoureder čave pengre dayendar, an o tselo them Egiptia: o Faraeskro phoureder čaves, kay ap o rayeskri beshepaskri beshdo hi, oun ninna i phoureder čaven kolendar, kay stilde hi. Ava, ninna i morsh firhe, hoy his i phoureder čave pengre dayendar, van temerl dino.

1. Samuel 25:37

Taysarlakro, har o matepen dran o Nabal djas, kote penas leskri romni leske lauter. Kote meras leskro dji an leskro beč, oun yob vas har i bar.

2. Familjakro liil 13:20

Yaake rah, har o Abiya djivas, nay las o Yerobeam peskri rayeskri zoor bouder gar pale. Oun o baro Devel das les, oun yaake meras lo.

Debleskri gili 104:29

Tou te djah lendar krik, taprell len i daar. Tou te leh lendar o dourho, merenn le, oun venn pale čik.

Debleskri gili 73:19

Ap yek kopo hi le bouder gar koy. Lengro merepen nay vals gar djoungleder!