1. Samuel 25:36 - O Debleskro Lab 2024 (Sinte-Manouche)

³⁶ Oun har i Abigayil khere vas, his o Nabal koy beshdo pash i baro rhapen har i baro rayeske. Oun leskro dji bashras, oun yob his boud mato. Oun i Abigayil penas leske či, kek lab.

O Debleskro Drom 2021 (Sinte)

³⁶ Un har i Abigajil khere was, his o Nabal koi beshdo pash i baro chapen har i baro rajeske. Un leskro dji bashras, un job his bud mato. Un i Abigajil penas leske tchi, kek lab.

1. Samuel 25:36 Referans Kwoze

Gosewe laba 20:1

Te piyeh i zorelo pipen, veh divyo oun saneh pral lautereske. Kova, kay yaake boud piyell, te vell lo mato, koles hi kek gosvepen.

2. Samuel 13:28

O Absalom penas ap peskre lourde: “Denn yak! Te piyas pes o Amnon mato, oun te penau me ap t'mende: Denn o Amnones khetne! palle denn les moulo! Ma trashenn! Me penom t'menge, te krenn kova. Avenn čače morsha oun krenn kova kek trashah!”

2. Samuel 13:23

Pal douy bersha moukas o Absalom i bakren te činell an Baal-Hazor. Kova hi pash o foro Efrayim čiddo. Oun o Absalom kamas kote i baro rhapen te krell, oun kamas, te venn kol tsele morsh čaven o baro rayestar pash peste.

1. Samuel 25:19

Oun penas ap i boudepangre: “Djan glan! Me djau pal t'mende.” Peskro romeske penas li či kolestar.

Remarja 13:13

Djivas yaake djoudjo, har djivenn i menshe ap o dives. Te djas gar kote, kay rhan le pen nasselo oun piyenn pen mato! Te kras gar vi-ladjedo koova! Te čingras gar, oun dikas gar čilače yakentsa ap kova, hoy o vavares hi!

Mateo 10:16

Djinenn, me bičrau t'men har bakre mank i divye djouklende. Doleske venn gosevo har i sapa oun djoudjo har i parne čirkle, an kolende kek rhorhepen hi!

Efesarja 5:18

Ma piyenn yaake boud mool, te venn mato! Te han mato, palle krenn t'mer hako dinelo koova. Moukenn o Debleskro Dourho o ray an t'mende te vell, oun venn pherdo lestar!

Efesarja 5:14

Oun kova, hoy diklo vella, ačell gar an o tamlepen.

Louka 21:34

“Denn garda, te vell t'maro dji gar pherdo phoubyakro koova, yaake te bistrenn o Debles! Piyenn t'men gar mato! Ma darenn t'maro djipaske! Denn yak, te vell ko dives gar ap yek kopo ap t'mende yaake, te han t'mer tapedo!

Louka 14:12

Oun o Yezous penas ap koleste, kay kamas, te rhal lo leha: “Te kreh tou i baro rhapen, palle ma khare tire malen oun phralen pash toute, vitar gar bravele menshen, kay an tiro drom djivenna! Kolla len tout ninna pash pende pre, oun yaake denn le tout pale, hoy tou lenge kral.

Nahum 1:10

T'mer han či har soubyengre kashta, hoy či-moldo hi, oun hoy an i yag vitsedo venn, oun pre-rhačenn har trouk phouss, te ačell či lendar pral.

Hosea 4:11

Mool – phouri mool oun nevi mool – krenn, te hayvenn i menshe bouder gar, hoy lačo oun hoy čilačo hi.

Jeremia 51:57

O baro Devel penell: Me krau len mato, kol pralstunen an Babilon, kol goseve morshen, themeskre rayen, pralstoune lourden, oun kol vavar lourden an Babilon, te perenn le an i sopen, kolestar yon bouder gar pre stenn. Kova penell o baro ray, koleskro lab hi: baro Devel, ko ray pral o bolepen oun i phoub.

Jesaja 28:3

Peskre heryentsa stakrell lo ko pre-phourdo foro khetne, kay i mate dran Efrayim djivenn.

Jesaja 5:11

Djungelo djal kolenge, kay stenn pre taysarlake, te djan le an i kerčima, oun rati gomme koy beshdo hi oun mato venn!

Sikepaskro 10:19

Kones rhapen hi, nay sal. Koon mool piyell, nay givell. I loventsa nay vell tout kova halauter.

Debleskri gili 112:5

Mishto djal koleske, kay krell peskro dji pre, oun patsell i vavaren vin, oun krell peskro koova yaake har čačo hi.

1. Rajengro liil 20:16

Oun yon djan vin dran o foro, har mashkral dives his. Oun kol terne morsha djan glan vin. Oun o Ben-Hadad piyas pes mates an i plarhtene khera, yob oun kol vavar 32 (triyanda-te-douy) bare raya, kay ap leskri rig his. Koy vas leske penlo kol morshendar, kolen yob bičras, te denn le yak: “Morsha venna dran Samaria vin.”

1. Samuel 25:37

Taysarlakro, har o matepen dran o Nabal djas, kote penas leskri romni leske lauter. Kote meras leskro dji an leskro beč, oun yob vas har i bar.

2. Samuel 3:20

Har o Abner an o foro Hebron pash o David vas, his pash leste biish morsha. Oun o David kras lenge i rhapen.