1. Samuel 25:13 - O Debleskro Lab 2024 (Sinte-Manouche)

¹³ Kote penas o David ap peskre morshende: “Hakeno pandell peskro rharo troul peste!” Oun yaake kran le. Oun o David čivas peskro rharo ninna trouyel. Oun yon djan pal o Davideste: yaake 400 (star-sheel) morsha. Oun 200 (douy-sheel) ačan pale ap i platsa, te denn le pre yak.

O Debleskro Drom 2021 (Sinte)

¹³ Kote penas o David ap peskre murshende: “Hakeno pandell peskro charo trul peste!” Un jaake kran le. Un o David tchiwas peskro charo ninna trujel. Un jon djan pal o Davideste: jaake 400 (star-sheel) mursha. Un 200 (dui-sheel) atchan pale ap i platsa, te denn le pre jak.

1. Samuel 25:13 Referans Kwoze

1. Samuel 23:13

Kote kras pes o David ap o drom khetne peskre morshentsa. Kolla his yaake shob-sheel morsha. Oun yon djan penge dran o foro Kehila, oun djan trouyel an o tselo them dran yek khatepen an o vavar. Oun o Sauleske vas penlo, te nashas o David peske dran o foro Kehila. Oun har yob kova shounas, moukas lo tele te djal an Kehila.

Gosewe laba 25:8

Ma dja sik pash i čačepangre morshende, te peness lenge, hoy dikal. Te vell palle i vavar oun sikrell, kay hi tout gar čačo, hoy kreh tou palle?

Gosewe laba 19:11

Koles čačo gosvepen hi an o dji, kova vell gar sik rhoyedo, oun dikell gar ap i doosh i vavarendar. Doleske dikenn le pre ap leste.

Gosewe laba 19:2

Yek, kay peskro koova gar hayvell, hi či moldo, ninna te boudrell lo sik. Kova, kay sik nashell, perell.

Gosewe laba 14:29

Kova, kay gar sik rhoyedo vell, hi gosevo. Koon sik rhoyedo vella, sikrell har dinelo yob hi.

Josua 9:14

Kote lan i pralstoune pral i Israelitarya o rhapastar kol vavarendar, hoy len o dromeske pashel his, oun rhan les. O baro Debles poučan le koleske gar.

Gosewe laba 16:32

Yek, kay gar sik rhoyedo vella, hi feteder har i čačo kourepaskro. Oun koon o ray pral peste hi, hi boudeder moldo har yek, kay i tselo foro dren lell.

1. Samuel 22:2

Oun ninna van pash leste khetne boud vavar morsha. Mank lende his save, kay his palla-lino. Vavaren his siyaan, hoy nay playsran le gar. Vavaren his i pharo dji. Oun yob vas lengro pralstouno. Kolla lauter his yaake 400 (star-sheel) morsha.

1. Samuel 25:12

Oun kol morsha kran pen pale ap o drom. Oun har le pale pash o Davideste van, penan le leske lauter, hoy o Nabal penas.

1. Samuel 27:2

Yaake kras pes o David ap o drom peskre 600 (shob-sheel) morshentsa. Oun yon djan pash o baro rayeste pral o foro Gat. Leskro lab his Akish, koleskro dad his o Maok.

2. Samuel 15:18

Oun leskre tsele lourde djan ap leskre douy rigya, ninna i tsele Kretarya oun i tsele Pletarya. Kolla dran o foro Gat djan glan leste. Kolla his shob-sheel morsha, kay leske dran o foro Gat palla djan.

Gosewe laba 20:22

Ma le touke glan, te dess o čilačepen pale, hoy yek ap toute kras. Dik ap o baro Debleste! Kova lell tiro koova an peskro vast.