1. Samuel 24:9 - O Debleskro Lab 2024 (Sinte-Manouche)

⁹ Kote stas o David ninna pre, oun djas ninna vin, oun das pal o Sauleste palla gole: “Miro baro ray!” Oun o Saul rissras pes trouyel. Oun o David vitsras pes glan leste tele o mouyeha ap i phoub,

O Debleskro Drom 2021 (Sinte)

⁹ Kote stas o David ninna pre, un djas ninna win, un das pal o Sauleste palla gole: “Miro baro rai!” Un o Saul rissras pes trujel. Un o David witsras pes glan leste tele o mujeha ap i phub,

1. Samuel 24:9 Referans Kwoze

Gosewe laba 29:12

I ray, kay ap rhorhene laba shounella, koleskre boudepangre venn lauter rhorhene.

Jakobo 3:6

I čip hi har i yag. Lat hi i zoor, te krell li boud čilačo koova. I čip nay krell o tselo menshes djoungeles oun čilačes. Koy yag, hoy i čip krell, rhačrell o tselo djipen, oun vell o bengestar.

Gosewe laba 26:28

Kova, kay rhorhepen rakrell, kamell o vavareske čilačepen te krell oun les doukrell. Oun kova, kay goudle labentsa rakrell, anell i bibarht.

Gosewe laba 25:23

I phourdepen oun kale volke anenn brishin, oun i čip, hoy pal o vast rakrell, anell rholi.

Gosewe laba 18:8

Te shounah djoungelo rakepen pral i vavarende, hi kova menge har shoukar rhapen, oun djal menge tele har djet.

Gosewe laba 17:4

Kova, kay čilačo koova krell, shounell ap midjak rakepen. Oun i rhorheno shounell ap save laba, hoy bibarht anenn.

Gosewe laba 16:28

I midjak mensho anell čingepen. Oun kova, kay djoungelo koova pral vavarende rakrell, krell, te čingrenn pen lače mala.

Debleskri gili 141:6

Ap ko dives, kay vell i phagi pral lengre pralstunende vi-rakedo, venn yon i barrengri berga tele vitsedo. Palle vell diklo, har čačo mire laba pral lende his.

Debleskri gili 101:5

Koon rakrell čorrhanes djoungelo koova pal o doumo kolendar, kay troul leste hi, koles pandau leskro mouy. Kamau koles gar, kay pre-phourdo hi, oun ap vavar menshende tele dikell.

1. Samuel 26:19

Oun kanna, miro ray oun pralstouno, shoun ap i laba, hoy me, tiro boudepaskro, rakrau. Te anas o baro Devel tout ap mande pre, palle vell leske i rhapen rhačedo, te djal leskri rholi krik. Te anan tout menshe ap mande pre, mou vell o Debleskri bibarht ap lende! Yon tradenn man vin dran o baro Debleskro them. Kova hi yaake har te penans le: Dja an i vavar them, oun mange vavar deblen an!

3. Mose 19:16

Ma dja trouyel oun pen rhorhepen pral i vavarende! Te hounte peneh vin glan i čačepangre, ma pen rhorhepen, te aness o vavares an o merepen. Me hom o baro Devel.

1. Samuel 20:1

Oun o David nashas krik kol kherendar, kay o Debleskre rakepangre djivenn an o foro Rama, oun djas pash o Yonatan, oun poučas lestar: “Hoy krom me? Havi doosh anom me ap mande? Hoy krom me tiro dadeske, te rodell lo man, te dell lo man moulo?”

1. Samuel 24:8

Oun kal phare labentsa penas lo lenge, hoy čačes hi. Oun kekes moukas lo ap o Sauleste pre te djal. Oun o Saul stas pre oun djas vin dran koy grotta, te djal lo peskro drom doureder.

1. Samuel 24:10

oun penas ap o Saul: “Hoske shouneh tou ap i laba kol menshendar, kay touke penenna: O David rodella tiri bibarht?

1. Samuel 26:18

Oun yob rakras doureder: “Hoske lell miro ray man, peskro boudepaskres, palla? Hoy krom me? Havo čilačepen hi ap mande?

Jeremia 37:18

Palle poučas o Yeremia o baro rayestar Sedekya: Hoy krom me touke oun tire pralstunenge, oun havo čilačepen krom ap kal menshende kate, kay vitsran le man an o stilepen?

1. Samuel 20:41

Har ko čavo peske djas, vas o David vin dran peskro khatepen pal kol barra, oun peras glan o Yonatan tele, oun čivas pes triin kope glan tele ap i phoub. Oun palle lan le pen trouyel oun čoumran pen, oun rovan khetne, o David gomme boudeder har o Yonatan.