1. Samuel 23:12 - O Debleskro Lab 2024 (Sinte-Manouche)

¹² Oun o David poučas les pale: “Denn kalla, kay kate an Kehila djivenn, man oun kol morshen, kay pash mande hi, an o Sauleskre vasta?” Oun o baro Devel penas: “Ava, yon denn tout an leskre vasta!”

O Debleskro Drom 2021 (Sinte)

¹² Un o David putchas les pale: “Denn kalla, kai kate an Kehila djiwenn, man un kol murshen, kai pash mande hi, an o Sauleskre wasta?” Un o baro Dewel penas: “Awa, jon denn tut an leskre wasta!”

1. Samuel 23:12 Referans Kwoze

Debleskri gili 31:8

Miro dji sal oun me stau i barhtyatar pral tiro lačepen. Tou dikal, har mange djoungeles djas, oun djinal, har pharo miro djipen his.

1. Samuel 23:20

Te kameh tou tele te vell pash mende, palle ab! Oun mer dah les an tiro vast.”

Debleskri gili 62:1

I gili o rayeske pral i gipangre, o Yedoutoun. Kay gili kras o David.

Hebrearja 4:13

O Devel dikella lauter. Či an mende hi khatedo glan leskre yaka. Lauter hi pre čakedo glan leste. Oun leske hounte penas mer halauter, hoy kram.

Jesaja 29:15

Djungeles djal kolenge, kay kova, hoy le penge an pengre djia glan lan, glan o baro Debleste khatrenn, oun an o kalepen i ratsyatar pengro koova krenn, oun penenn: “Koon dikell men? Oun koon djinell, te hams mer kova?”

1. Samuel 23:7

Oun o Sauleske vas penlo, te vas o David an o foro Kehila. Kote penas o Saul: “Kanna, kay vas o David an i foro, koleskre bare voudya pandlo hi, pandas pes lo dren, oun o Devel das les an miro vast.”

Debleskri gili 118:8

Hi feteder te rikras men ap o baro Debleste, har te rikras men ap i menshende.

Čačepangre 15:10

Kote poučan i morsha dran Youda: “Hoske djan t'mer ap mende pre?” Oun yon penan: “Mer kamah o Simsones te pandell, oun leha te krell, har yob mentsa kras.”

1. Samuel 23:11

Baro Devel, tou o Israeleskro Devel, pen mange: Kal menshe, kay an kava foro Kehila djivenna, denn kolla man an o Sauleskro vast? Oun vell o Saul čačepah kay tele, yaake har me shounom?” Oun o baro Devel penas: “Ava, yob vella tele!”

Jeremia 11:18

O baro Devel penas mange, hoy len glan hi, te djinap me kova.

Debleskri gili 143:8

Ap i tsalla mouk man tiro lačepen te shounell. Me dikau ap toute. Sike man havo drom me hounte djap. Miro dji nashell pal toute.