1. Samuel 18:11 - O Debleskro Lab 2024 (Sinte-Manouche)

¹¹ Oun hadas peskro vast oun penas peske: “Me kamau o Davides an i vanta čourye te dell.” O David stas douy kope ap i rig, oun o Saul nay tapras les gar.

O Debleskro Drom 2021 (Sinte)

¹¹ Un hadas peskro wast un penas peske: “Me kamau o Davides an i wanta tchurje te dell.” O David stas dui kope ap i rig, un o Saul nai tapras les gar.

1. Samuel 18:11 Referans Kwoze

1. Samuel 20:33

Kote vitsras o Saul peskro vitsepaskro čouri pal leste, te dell lo les moulo. Kote hayvas o Yonatan, te las peske o Saul zoreles glan, te dell lo o Davides moulo.

Jesaja 54:17

Kek rharo, hoy kerdo vas, te dell lo tout moulo, nay doukrell tout. Oun hako kopo, kay yek čomone ap toute pre anell, nay sikreh tou, kay yob rhorhras. Kova krau kolenge, kay mange boudrenn. Oun me sikrau, te hi yon an o čačepen, penell o baro Devel.

Johanni 10:39

Koy kaman yon les pale te taprell. Yob khatras pes lendar.

Johanni 8:59

Koy hadan yon barra pre, te vitsrenn le kolla ap leste. Oun yob khatras pes, oun djas dran o Debleskro baro kheer vin.

Louka 4:30

Yob rissras pes trouyel oun djas mashkral lende pale, oun djas peske.

Gosewe laba 27:4

I rholi hi divyo oun zorelo har i zorelo pani, hoy lauter peha krik tserdell. Koon nay ačell tardo te zilverell i morsh?

Hebrearja 11:34

Vavar van an i yag vitsedo, oun i yag nay rhačan len gar. Vavaren kaman i menshe i rhareha te marell, oun yon nay nashan penge. Kolla, kay kek zoor bouder an lende his, kolen kras o Devel zoreles. An o kourepen lan le i zoor, te tradan le i vavar lourden krik.