1. Samuel 17:4 - O Debleskro Lab 2024 (Sinte-Manouche)

⁴ Kote vas i kourepaskro i Filistarendar glan. Leskro lab his Goliat, dran o foro Gat. Yob his yaake triin metarya baro.

O Debleskro Drom 2021 (Sinte)

⁴ Kote was i kurepaskro i Filistarendar glan. Leskro lab his Goliat, dran o foro Gat. Job his jaake triin metarja baro.

1. Samuel 17:4 Referans Kwoze

Josua 11:22

Kek Anakari ačas pral an o tselo them Israel. Kokres an i forya Gaza, Gat oun Ashdod ačan lendar djides.

1. Samuel 17:23

Oun har yob gomme lentsa rakras, vas ko baro marepaskro Goliat glan, ko Filistari dran Gat, oun čivas pes tardo, oun rakras pale kol laba, kolentsa yob o Israel praasas. Oun o David shounas kova.

1. Familjakro liil 11:23

Yob maras ninna i morshes, i Egiptari. Kova his pral douy metarya baro. Oun les his o vitsepaskro čouri an o vast. Oun ko kotar kasht, hoy ko vitsepaskro čouri rikrella, his yaake pesso har i tikno rouk. O Benaya djas pash leste tele, i kasht an o vast, oun tserdas ko vitsepaskro čouri dran kol Egiptareskro vast, oun das les kolah tele čourye.

1. Samuel 27:4

Oun har le o Sauleske penan, te nashas o David an o foro Gat, rodas yob les bouder gar.

5. Mose 3:11

Kokres o Og, ko baro ray pral Bashan, ačas djido kol bare menshendar, kay rise kharedo van. Har meras lo, vas lo paskedo an i barrengro morhton. Kova hi yaake star metarya baro oun douy metarya bourhlo, oun hi tardo an o foro Rabba an o them Ammon.

Amos 2:9

Djinenn t'mer gar, mire menshe, his t'menge, kay tradom i Amorarya glan t'mende krik, kolen, kay his yaake baro oun zorelo har rouka. Či ačas lendar pral.

1. Samuel 17:3

Oun i Filistarya his ap koy rig ap i berga tardo, oun i Israelitarya his ap i vavar rig ap i berga tardo. Oun i tala his mank lende.

1. Samuel 17:5

Les his i sasterni stadi ap leskro shero. Oun ninna ko gad ap leste his dran tikne kotya saster kerdo, oun his shob-desha (60) kilogramme pharo.