1. Samuel 13:7 - O Debleskro Lab 2024 (Sinte-Manouche)

⁷ His ninna save, kay nashan pral o Yordan an i themma Gad oun Gilead. Oun o Saul his gomme an Gilgal oun kol lourden, kay pash leste his, his bari daar.

O Debleskro Drom 2021 (Sinte)

⁷ His ninna sawe, kai nashan pral o Jordan an i themma Gad un Gilead. Un o Saul his gomme an Gilgal un kol lurden, kai pash leste his, his bari daar.

1. Samuel 13:7 Referans Kwoze

Čačepangre 7:3

Oun kanna de gole glan i kanda i tsele lourdendar: Kones daar hi, kova djal i berga Gilead tele oun djal khere!” Kova kras o Gideon. Oun 22.000 (biish-te-douy-zerya) morsha djan khere. Oun 10.000 (deesh-zerya) morsha ačan pash o Gideon.

5. Mose 28:25

O baro Devel krell, te venn kolla zorleder har t'mer, kay kourenn pen t'mentsa. Ap yek drom djan t'mer ap lende pre, oun ap hake rigya hounte nashenn t'menge lendar. Oun i menshenge an hake themma ap i phoub ačell o rakepen krik i trashatar, te dikenn le, har t'menge djala.

5. Mose 20:8

Oun i pralstoune hounte poučenn i morshendar pale: Hi mank t'mende yek, koles daar hi, oun koleskro dji trissella? Kova hounte djal pale an peskro kheer, te krell lo gar i djia peskre phralendar darenes.

5. Mose 3:12

Kava tselo them lam mer an ko tsiro menge dren. Ko them, hoy hi čiddo serves o forestar Aroer oun o lengsto panyestar Arnon dom me i familyake Ruben oun i familyake Gad. Ninna dom me len o paash them Gilead oun kol forya koy dren.

3. Mose 26:17

Me dikau bouder gar lačes ap t'mende, oun t'mer venn dino kolendar, kay kourenn pen t'mentsa. Kolla, kay kamenn t'maro merepen, venn ray pral t'mende. T'mer han ap o naashepen, ninna te lell t'men kek palla.

1. Samuel 13:8

O Samuel penas leske, te ačell lo efta divessa koy. Palle kamell yob ninna pash leste te vell. Kol efta divessa his trouyel, oun o Samuel his gomme gar koy. Oun i lourde, yek pal o vavar nashan penge o Saulestar krik.

Josua 13:8

Ko vavar paash kol familyendar dran o kheer Manasse, ninna kol familye dran i khera Ruben oun Gad, yon lan pengro kotar them ap i vavar rig o panyestar Yordan, kote kay o kham pre djal. O Mose, koles o baro Debleskro čačo vast his, das len les kote:

Josua 13:11

o them Gilead; oun ko them, kay djivenn i Geshourarya oun i Maakatarya; oun i tsele berge, hoy kharenn Hermon; oun ko tselo them Bashan bis pash o foro Salka;

1. Samuel 17:11

Oun o Saul oun o tselo Israel shounan kol laba, hoy ko Filistari penas, oun lan traash oun daran lestar.

1. Samuel 31:7

Har shounan kol Israelitarya, kay djivan vergel i tala Yesreel oun vergel o pani Yordan, te nashan penge i Israelengre lourde, oun kay meras o Saul oun leskre čave, kote nashan yon dran pengre forya oun nashan penge ninna. Oun i Filistarya van koy oun djivan an kol forya.