1. Samuel 13:6 - O Debleskro Lab 2024 (Sinte-Manouche)

⁶ Har i Israelitarya dikan, har zorelo i Filistarya hi, tapras len i daar, oun yon khatran pen an i phoub, pal soubyengre bourra, mank bare barra, an grufte oun panyengre rhebya.

O Debleskro Drom 2021 (Sinte)

⁶ Har i Israelitarja dikan, har sorelo i Filistarja hi, tapras len i daar, un jon khatran pen an i phub, pal subjengre burra, mank bare barra, an grufte un panjengre chebja.

1. Samuel 13:6 Referans Kwoze

Čačepangre 6:2

Oun kolengro vast vas yaake zoreles pral o Israel, te khatran pen i Israelitarya an i berge oun djivan an i grotte mank i bare barra oun an zorele khera, hoy kran pen le an i berge.

Hebrearja 11:38

Yon nashan an o moulo them trouyel, ninna an i berge oun djinan gar, kay te djan le. Mashkral i bare barra khatran le pen, ninna tel i phoub. Kolla lauter his lače menshe. I vavar menshe ap kay phoub his gar moldo, te djivan kol lače menshe mashkral lende.

Filiparja 1:23

Ava, me djinau gar, hoy feteder hi. Ap yek rig kamaus te merap oun te vap pash o Yezous Kristeste. Kova vals mange feteder.

Jesaja 42:22

Hoy vas dran leskre menshende? Lengro them hi vi-čoredo oun vi-randedo. Yon halauter hi tapedo, oun pandlo an o stilepen. Randedo hi le, oun kek hi koy, kay lell len vin dran o pandepen. Čoredo hi le, oun kek hi koy, kay penell: De pale kay!

2. Samuel 24:14

Oun o David penas ap o Gad: “Man hi bari traash. Mouk men an o baro Debleskro vast te perell! Leskro kamlepen hi baro. Me kamau gar an i menshengro vast perell.”

1. Samuel 24:3

Oun o Saul las peske 3.000 (triin-zerya) vin rodede morshen dran o tselo them Israel, oun djas lentsa koy, te rodell lo les. Oun o David oun leskre morsha his vergel kol bare barra, hoy kharenn bouzyengre barra.

1. Samuel 23:19

Oun morsha dran o foro Sif djan pash o Saul an o foro Gibea, oun penan ap leste: “O David hi pash mende khatedo ap i berga pash Horesha, ap koy tikni berga Hakila, hoy vergel Yeshimon hi.

1. Samuel 14:11

Oun kol douy sikran pen kol Filistarengre lourdenge, kay koy yak dan. Oun kolla penan ap pende: “Ake, i Hebrearya venn dran pengre rhebya vin, an kolende yon pen khatran!”

Čačepangre 20:41

Oun i morsha dran Israel nashan bouder gar lendar krik oun rissran pen. Koy tapras i Benyaminarya i bari daar. Oun yon hayvan, te vas i bibarht pral lende.

Čačepangre 10:9

Oun i Ammonarya djan pral o Yordan, te marenn le pen i menshentsa dran Youda, Benyamin oun Efrayim. Oun yaake vas i bari daar pral o Israel.

Josua 8:20

Oun i morsha dran o foro Ai rissran pen trouyel oun dikan, har o yagakro dourho pre djas an o bolepen. Oun yon nay nashan bouder gar krik, – gar kate oun gar kote. Oun i Israelitarya, kay ap o drom an o moulo tato them glan lende nashan, rissran pen trouyel oun djan ap lende.

1. Samuel 7:7

Har i Filistarya shounan, te van i Israelitarya khetne an Mispa, djan lengre raya pengre lourdentsa vin, te kourenn le pen i Israelentsa. Har i Israelitarya kova shounan, tapras len i bari daar.

1. Samuel 13:15

Oun o Samuel djas doureder oun moukas Gilgal pal peste. Kol vavar menshe djan pal o Sauleste, har djas yob pash peskre lourdende ap o drom dran Gilgal pre an o foro Gibea an o them Benyamin. Oun o Saul dikas peske kol lourden an, kay pash leste hi. Kolla his yaake shob-sheel (600) morsha.

1. Samuel 14:22

Oun i tsele morsha dran Israel, kay khatran pen an i berge Efrayim, shounan, te nashenn i Filistarya penge. Oun yon van vin oun lan len palla oun dan len.

Jeremia 41:9

Koy brounna, kay vitsras o Ismael kol moule morshen, kay lo maras, ninna o Gedalyes, koy brounna hi koya, kay o baro ray Asa moukas te krell, har his lo an o kourepen o baro rayeha pral o them Israel, leskro lab his Baasha. Koy brounna kras o Ismael pherdo kol morshendar, kay maras lo.

Ezekiel 33:27

Yaake peness tou lenge: Kava penell o baro Devel, maro ray: Pash miro djipen dau man sovel, halauter, kay an kol tele phagede forya djivenn, venn maredo o rhareha. Oun kolla, kay vin ap o them djivenn, venn khetne dandedo i divye firhendar. Oun kolla, kay khatrenn pen an zorele barrengre khera oun an i phoub, kolla merenn ap i djoungelo nasslepen.

1. Samuel 31:7

Har shounan kol Israelitarya, kay djivan vergel i tala Yesreel oun vergel o pani Yordan, te nashan penge i Israelengre lourde, oun kay meras o Saul oun leskre čave, kote nashan yon dran pengre forya oun nashan penge ninna. Oun i Filistarya van koy oun djivan an kol forya.