1. Samuel 11:1 - O Debleskro Lab 2024 (Sinte-Manouche)

¹ Oun o ray pral i Ammonarya, o Nahash, las peskre tsele lourden, djas vin oun čivas pes lentsa troul o foro Yabesh an o them Gilead, yaake te nay vas kek dren oun kek vin. Oun i tsele morsha dran o foro Yabesh penan ap o Nahash: “Kre mentsa vin, te kress menge kek čilačepen. Palle nay veh tou o ray pral mende!”

O Debleskro Drom 2021 (Sinte)

¹ Un o rai pral i Ammonarja, o Nahash, las peskre tsele lurden, djas win un tchiwas pes lentsa trul o foro Jabesh an o them Gilead, jaake te nai was kek dren un kek win. Un i tsele mursha dran o foro Jabesh penan ap o Nahash: “Kre mentsa win, te kress menge kek tchilatchepen. Palle nai weh tu o rai pral mende!”

1. Samuel 11:1 Referans Kwoze

1. Samuel 12:12

Har t'mer dikan, te djal o ray pral i Ammonarya, o Nahash vin, te kourell lo pes t'mentsa, penan t'mer mange: “Mer kamah i baro rayes pral mende”, har te vals o baro Devel gar t'maro baro ray.

Ezekiel 17:13

Oun yob las o rayeskre čavendar yekes, oun kras leha vin, te vell yob o ray pral o them Youda, oun moukas les i sovel te dell, te perell lo gar lestar tele. I pralstunen dran ko them las lo pandles an Babilonia,

1. Rajengro liil 20:34

Oun o Ben-Hadad penas ap leste: “Kol forya, kay miro dad tiro dadestar krik las, dau me touke pale pale. Oun tou nay kreh touke parepaskre khera an o foro Damaskus, yaake har kras miro dad an o foro Samaria.” “Mishto” penas o Ahab, “de man tiro dadeskro vast koy pre, palle moukau tout khere te djal.” Kote dan yon pen o vast pre. Oun palle moukas yob les te djal.

Čačepangre 21:8

Doleske poučan le: “Dell kol 12 (deesh-te-douy) bare familyendar, kay venn o Yakobeskre čavendar, yek, kay vas gar an o foro Mispa, har mer glan o baro Debleste khetne van?” Oun yon shounan, te vas kek dran o foro Yabesh, hoy an o them Gilead hi, ap i platsa, kay o tsillo his.

1. Mose 26:28

Penan le: “Mer dikah oun hayvah, kay o baro Devel touha hi. Doleske penam menge: Mer hounte kras touha vin, oun das men sovel, te krah bouder kek čingepen yek o vavareha.

Hiob 41:4

Me kamau ninna pral kova te rakrell, have herya o Leviatanes hi, oun har zorelo oun shoukar yob kerdo hi.

2. Mose 23:32

Ma avenn lengre mala! Ma mangenn čomone lengre deblendar!

Jesaja 36:16

Ma shounenn ap o Hiskiya! Shounenn ap mande: O ray pral o them Assour penell t'menge: Vas men khetne mala, oun avenn pash mande vin! Palle nay rhal hakeno peskre molengre drake oun fayge peskre roukendar, oun nay piyell peskro pani dran peskri brounna,

Čačepangre 10:7

Kote rhačas i bari rholi pre an o baro Debleste ap i Israelitarya. Oun yob das len an i vasta i menshendar dran i themma Filistia oun Ammon.

5. Mose 23:3

Kek morsh, koleskri day gar romedini hi, nay vell kote t'mentsa khetne, kay o baro Debleskre menshe khetne venna. Ninna leskre čave nay venn gar kote, yaake rah har deesh familye yek pal i vavar djivenna.

1. Samuel 14:47

Har vas o Saul o baro ray pral o Israel, djas lo an o kourepen lauterentsa, kay djivan troul o them Israel oun kaman les tele te rikrell. Kolla his i menshe dran o them Moab, Ammon oun Edom, ninna i bare raya an o them Soba, oun i Filistarya. Oun kay lo ninna djas, kote vas lo o zorleder.

2. Samuel 10:1

Pal ko tsiro meras o baro ray pral kol Ammonarya. Oun leskro čavo, o Hanoun, vas baro ray pal leste.

2. Samuel 10:2

Koy penas o David: “Me kamau o čaveha o Nahashestar, o Hanoun, maal te vell, yaake har leskro dad miro maal his.” Oun o David bičras morshen koy, oun moukas leske lendar kamle laba te penell pral leskro dadeste, te vell leske gar bouder ropaske. Har kanna kolla, kay o David bičras, an ko them Ammon van,

2. Samuel 17:27

Har o David an o foro Mahanayim vas, koy van pash leste: o Shobi, koleskro dad o Nahash hi, dran o foro Rabba, kay i Ammonarya djivan; o Makir, koleskro dad o Ammiel hi dran o foro Lo-Dabar; oun o Barsillay dran o foro Roglim dran o them Gilead.

Jeremia 40:11

Glan ko tsiro nashan boud menshe dran Youda an i themma Moab, Ammon oun Edom oun an vavar themma. Har kolla shounan, kay o baro ray dran o them Babilonia i vast pherdo menshen pral moukas an o them Youda, oun čivas o Gedalya pral lende,

Jeremia 40:14

oun penan ap leste: Djineh tou ninna, kay bičras o Baalis, ko baro ray pral o them Ammon, yekes, te dell lo tout temerl? Kova hi o Ismael, koleskro dad o Netanya his. Kova kamas o Gedalya lenge gar te patsell.

Čačepangre 11:4

Oun pal i tsiro djan i Ammonarya ap i Israelende pre.

2. Samuel 2:5

koy bičras yob morshen pash lende oun moukas lenge te penell: “O baro Debleskri barht vell ap t'mende! T'mer kran t'maro dji pre t'maro baro rayeske, o Sauleske oun paskran les.

1. Familjakro liil 10:11

Har shounan halauter, kay djivenn an o foro Yabesh an o them Gilead, hoy i Filistarya o Sauleha kran,

1. Familjakro liil 10:12

kran pen i tsele čače morsha ap o drom, oun lan o moulo Saules oun leskre moule čaven, oun anan len an o foro Yabesh, oun paskran len tel ko baro rouk pash o foro Yabesh, oun rhan či efta divessa.