1. Samuel 1:22 - O Debleskro Lab 2024 (Sinte-Manouche)

²² koy djas i Hanna gar lentsa. Yoy penas ap peskro romeste: “Te piyell o čavo bouder gar ap o beč, kamau me les pre te anell glan o baro Debleste. Oun yob ačell palle koy, yaake rah yob djivella.”

O Debleskro Drom 2021 (Sinte)

²² koi djas i Hanna gar lentsa. Joi penas ap peskro romeste: “Te pijell o tchawo buder gar ap o betch, kamau me les pre te anell glan o baro Debleste. Un job atchell palle koi, jaake rah job djiwella.”

1. Samuel 1:22 Referans Kwoze

1. Samuel 1:28

Doleske dau les me kanna ninna o baro Debleste pale, te vell lo leskro, yaake rah har yob djivella.” Oun yon mangan kote o baro Debles an.

1. Samuel 1:11

oun das pes sovel oun penas: “Tou, baro Devel oun ray pral o bolepen oun i phoub, tou te dikeh kanna tiri čorveli boudepaskretsa an, oun bistreh lat gar, oun deh tiri boudepaskretsat i morsh čaves, palle dau me les toute o tselo tsiro, hoy yob djivella. Oun kek čouri vell ap leskre balla, hoy činals len tele.”

Louka 2:22

Star-deesh divessa his i Maria pale-čiddo, yaake har o Mose kova an peskro liil činas. Pal kova anan o Yosef oun i Maria kol ternepas an o Debleskro baro kheer an o foro Yerusalem, te denn le les an o Debleskro vast.

1. Samuel 3:1

An ko tsiro, har boudras o terno Samuel o baro Debleske tel o rashayeste, o Eli, rakras o baro Devel gar boud kope ap yekeste. His vitar gar boud kope, kay dikas yek i Debleskro dikepen.

1. Samuel 2:18

Oun o Samuel his o baro Debleske koy. Kava čavo his rido an i rashayeskri layntikri damdira.

1. Samuel 2:11

Oun o Elkana djas pale khere an Rama. Oun o čavo ačas an Shilo pash o rashayeste, o Eli, oun his o baro Debleske koy.

5. Mose 16:16

Triin kope an o bersh hounte venn t'mare tsele morsha glan t'maro baro Debleste ap koy platsa, hoy yob peske vin rodell: ap kol bare divessa, kay rhan kek maro dran shoutlo yarro, oun ap ko baro dives, kay anenn o baro Debleske o nevo djobestar, hoy t'mer dren anan, oun ap kol divessa, kay djivenn an patyengre khera. Oun kek vell, koles či pash peste hi, hoy yob o baro Debleske anella.

3. Mose 25:23

Ma bikrenn ko them yaake, te vell kova hako tsireske i vavareske! Ko them hi mange. Oun t'mer han har vi-themarya, kay moukau pash mande te djivell.

Jesaja 9:7

O baro Devel rakras o čačepen vin pral o kheer Yakob. Oun leskri rholi peras ap i Israelende.

Debleskri gili 110:4

O baro Devel das pes sovel, oun yob las lat gar pale. Yob penas: “Tou hal rashay hako tsireske, savo har o Melkisedek his.”

Debleskri gili 27:4

Yek koova mangau miro baro Deblestar, kova kamaus me lestar, te nay ačoms an leskro kheer yaake rah har me djivau, te nay dikap o tselo tsiro leskro shoukapen, oun nay poučap pal leskro kamlepen an leskro kheer.

Debleskri gili 23:6

Čačepah, tiro lačepen djal mange palla, oun hako dives kreh tou tiro dji mange pre, yaake rah, har me djivau. Oun me ačau an o baro Debleskro kheer hako tsiro.

Josua 4:7

Palle penenn t'mer lenge: O pani dran o Yordan ačas tardo glan o morhton, kay o baro Debleskre deesh laba dren his, har vas o morhton mank o pani ap i vavar rig hidjedo. Oun kal barra hi kate, te bistrenn i Israelitarya kova kek tsireske.”

2. Mose 21:6

Palle lell les leskro ray oun anell les glan o Debleste, oun čivell les glan o voudar tardo, oun dell i kashteni soub an leskro kand čourye. Kova sikrell, te ačell lo peskro tselo djipen leskro boudepaskro.

1. Samuel 13:13

O Samuel penas ap o Saul: “Tou kral dinelo koova, oun kral gar pal ko lab, hoy penal touke o baro Devel, kay tiro Devel hi. Te krals tou pal ko lab, čivals lo tout hako tsireske pral o Israel, te ačals lengro baro ray.

1. Samuel 28:2

“Mishto”, penas o David. “Me hom tiro boudepaskro. Kanna nay dikeh tire yakentsa, hoy me krau.” Oun o Akish penas: “Mishto, tou vess kova, kay o tselo tsiro ap miro djipen yak hounte dell.”