1. Rajengro liil 9:15 - O Debleskro Lab 2024 (Sinte-Manouche)

¹⁵ Kova hi o lab, hoy činlo hi pral i boudi, hoy hounte kran i boudepangre o baro rayeske Salomo. Lentsa kras yob o baro Debleskro kheer oun peskro kheer, oun ko turmo Millo, oun koy massouri troul Yerusalem, oun kol forya Hazor oun Megiddo oun Geser.

O Debleskro Drom 2021 (Sinte)

¹⁵ Kowa hi o lab, hoi tchinlo hi pral i budi, hoi hunte kran i budepangre o baro rajeske Salomo. Lentsa kras job o baro Debleskro kheer un peskro kheer, un ko turmo Millo, un koi massuri trul Jerusalem, un kol forja Hazor un Megiddo un Geser.

1. Rajengro liil 9:15 Referans Kwoze

1. Rajengro liil 9:24

Oun koy čay o Faraestar tserdas vin dran o Davideskro foro, oun vas an lakro kheer, hoy o Salomo moukas lake te krell. Koy pal moukas lo ko turmo te krell, hoy kharell Millo.

1. Rajengro liil 5:13

Yob rakras pral i rouka, kol bare cedertikre roukendar, kay hi ap o Libanon tardo, bis pash o tikno bour, o Hysop, hoy vell dran i massouri vin. Ninna rakras yob pral i firhende ap o them: pral i čirkle, oun pral i tikne firhe, hoy djan pral i phoub, oun pral i mače.

2. Samuel 5:9

Yaake djivas o David an kava zorelo kheer oun das les ko lab Davideskro foro. Oun yob kras boudeder khera oun kras o foro bourhleder kotar, kay o Millo his bis mashkral an o foro.

Josua 17:11

An kol douy themma Asser oun Issakar his forya čiddo, kolla van o Manasseske dino. Kal forya his: Bet-Shean, Yibleam oun Dor, hoy kharell ninna Nafot-Dor; palle En-Dor, Taanak oun Megiddo. Koy pashel his kol gaba, hoy his troul kal forya čiddo.

Josua 19:36

Adama, Rama, Hazor,

Josua 11:1

Oun har o baro ray pral o foro Hazor, o Yabin, kova shounas, bičras lo morshen pash boud bare rayende, te mangenn le lendar, te djan le leha an o kourepen: o Yobab, ko baro ray pral o foro Madon, o baro ray pral o foro Shimron, o baro ray pral o foro Akshaf,

Čačepangre 1:29

Ninna i morsha dran o kheer Efrayim tradan i Kanaanitaryen gar krik, kay djivenn an o foro Geser. Oun yaake ačan i Kanaanitarya oun djivan mashkral lende an o foro Geser.

Josua 16:10

Oun yon tradan i Kanaanitarya gar vin, hoy an o foro Geser djivan. Oun i Kanaanitarya djivenn mashkral i Efrayimarya bis ap kava dives. Oun yon hounte boudran lenge.

Zakarie 12:11

O ropen troul leste an o foro Yerusalem vell yaake baro har o ropen an Hadad-Rimmon an o telstouno them Megiddo.

Debleskri gili 51:18

Fiche, hoy anenn le touke, kameh gar. Te vals yaake, doms len toute. Fiche, hoy touke rhačedo venna, krenn tiro dji gar barhtelo.

2. Familjakro liil 35:22

Oun o Yosia moukas gar tele leste oun kamas pes leha te kourell, oun shounas gar ap kova, hoy o Neko penas, ninna te vas kova o Deblestar. Oun o Yosia vas, te kourell lo pes leha an o telstouno them, hoy kharell Megiddo.

2. Familjakro liil 8:1

Biish bersha boudran o Salomeskre boudepangre ap o baro Debleskro kheer oun ap o baro rayeskro kheer.

1. Familjakro liil 20:4

Koy pal vas i vavar kourepen kol Filistarentsa pash o foro Geser. Koy das o Sibkay dran o gab Housha i vavar morshes kol bare menshendar moulo. Koleskro lab his Sippay. Yaake van i Filistarya dino.

2. Rajengro liil 15:29

An ko tsiro, har o Peka ko baro ray pral o them Israel his, vas o Tiglat-Pileser, ko baro ray pral o them Assour, oun peras an o them Israel dren oun las peske kol forya Iyon, Abel-Bet-Maaka, Yanoa, Kedesh, Hazor, Gilead oun dran o them Galilea ko tselo them Naftali. Oun moukas kol menshen, kay kote djivenn, krik te anell an o them Assour.

2. Rajengro liil 12:20

Ko tselo vavar koova, hoy pral o Yoash penepaske hi, oun halauter, hoy lo kras, kova hi činlo an i familyakro liil i bare rayendar pral o them Youda.

2. Rajengro liil 9:27

Har o Ahasya, ko baro ray pral Youda dikas, hoy djas, nashas yob pash o foro Bet-Gan. O Yehou las les palla oun moukas les ninna te marell ap o vourdin. Oun yon dan ap leste karye ap ko drom pash o foro Gour, kay pash o foro Yibleam čiddo hi. Oun yob nashas peske an Megiddo oun meras koy.

1. Rajengro liil 11:27

Har hadas lo pes pral o baro rayeste, vas kova yaake: O Salomo moukas o turmo Millo te krell, oun koy massouri tseles te krell, hoy djas troul o Davideskro foro.

1. Rajengro liil 9:10

Biish bersha boudran o Salomeskre boudepangre ap kol douy khera, ap o baro Debleskro kheer oun ap o baro rayeskro kheer.

1. Rajengro liil 6:38

Oun an o deesh-te-yekto bersh an o čon Bul, – kova hi o orhtato čon – his o kheer kerdo. Oun lauter his yaake har hounte vals kova. Oun yon boudran efta bersha ap leste.

1. Rajengro liil 4:12

O Baana, koleskro dad o Ahiloud hi, yob his o pralstouno pral i forya Taanak oun Megiddo, oun pral o tselo them pash o foro Bet-Shean – ko foro his pash o foro Zaretan čiddo, tel o foro Yesreel, mank o foro Bet-Shean oun o foro Abel-Mehola, bis pal o foro Yokneam.

Čačepangre 9:20

Te his kova gar mishto, hoy kran t'mer, palle djal yag dran o Abimelek vin, oun koy yag rhal hakenes pre, kay an o foro Sichem djivella, ninna kolen, kay an o baro zorelo kheer djivenna! Oun lendar lauterendar djal yag vin oun rhal o Abimelekes pre!

Čačepangre 9:6

Oun i tikno tsiro koy pal van i tsele morsha dran o foro Sichem khetne, ninna lauter, hoy an o baro zorelo kheer djivan. Khetne djan le glan o foro Sichem pash ko baro rouk, hoy pash o baro bar tardo hi. Kote čivan le o Abimelekes pral pende, te vell lo lengro baro ray.

Čačepangre 5:19

Kote van le, kol bare raya pral o them Kanaan! Yon van oun maran pen mentsa. Ava, an o foro Taanak pash o pani Megiddo maran le pen mentsa. Rup hidjras kek lendar khere.

Čačepangre 4:2

Oun o baro Devel das len an o vast o baro rayestar Yabin. Kova his o baro ray pral o them Kanaan oun djivas an o foro Hazor. Oun leskro pralstouno lourdo kharas Sisera. Oun kova djivas an o foro Haroshet-Goyim.

Josua 21:21

Sichem an i berge Efrayim, kay hi ninna i foro, kay kolla nay nashenn, kay yekes temerl dan, oun koy phoub troul o foro, kay i firhe nay rhan; Geser oun koy phoub troul o foro, kay i firhe nay rhan;

Josua 10:33

An kava tsiro djas o baro ray pral o foro Geser, o Horam pre, te vell lo ap i rig kolendar, kay djivenn an o foro Lakish. Ninna les oun leskre lourden maras o Yosua yaake, te nay ačas kek lendar.

1. Rajengro liil 3:1

Oun o Salomo romedineras i čay o baro rayestar pral o them Egiptia. Kova his o Farao. Oun o Salomo anas lat an ko kotar o forestar Yerusalem, hoy kharell Davideskro foro, te djivell li kote yaake rah har boudran i boudepangre ap o Salomeskro kheer oun ap o baro Debleskro kheer oun ap i massouri troul Yerusalem.

1. Rajengro liil 12:4

“Kova, hoy tiro dad mendar kamas, djas boud kope pral mari zoor. Mouk tou čomone tele mendar, oun de men gar savi phari boudi har tiro dad men das, palle ham mer tire lače boudepangre.”

Josua 16:3

oun doureder ap koy rig, kay o kham tele djal, an ko them, kay i Yafletarya djivenn, bis pash o telstouno foro Bet-Horon, oun doureder bis pash o foro Geser, oun foun kotar pash o Baro Pani.