1. Rajengro liil 9:1 - O Debleskro Lab 2024 (Sinte-Manouche)

¹ Oun yaake vas, har o Salomo o baro Debleskro kheer kras, oun ninna peskro kheer oun halauter, hoy yob kamas te krell,

O Debleskro Drom 2021 (Sinte)

¹ Un jaake was, har o Salomo o baro Debleskro kheer kras, un ninna peskro kheer un halauter, hoi job kamas te krell,

1. Rajengro liil 9:1 Referans Kwoze

2. Familjakro liil 7:11

Oun yaake kras o Salomo o baro Debleskro kheer, oun ninna peskro kheer. Oun leske djas halauter mishto, hoy yob kamas te krell ap kal douy khera.

1. Rajengro liil 9:19

oun i tsele forya, kay leskre djobengre khera his, oun i forya, kay leskre vourdya oun leskre graya tarde his, oun lauter, hoy yob kamas te krell an o foro Yerusalem, ninna an o them Libanon, oun an o tselo them, koleskro ray yob his.

Sikepaskro 6:9

Vell penlo: Feteder hi te dikas ap kova, hoy men hi, har te nashas vavar koova palla. Kova hi ninna čičeske, oun yaake har te nashams pal o dourho, hoy djal pral i phoub.

Sikepaskro 2:10

Halauter hoy mire yaka kaman, kova dom len. Oun miro djiyeske dom halauter, hoy moukas les te bashrell. Yaake vom barhtelo pral halauter hoy krom. Oun halauter, koleske man tele marom, anas mange čačepah barht an o dji.

Sikepaskro 2:4

Me krom baro koova: Me krom mange khera oun drakengre themma,

1. Rajengro liil 9:11

Oun o Hiram, ko ray pral o foro Tirus, das o Salomeste ko tselo cedertikro kasht oun cipresstikro kasht oun yaake boud sonakay, har o Salomo lestar kamas. Har kol douy khera kerdo his, das o Salomo o Hirameste biish forya an o them Galilea.

1. Rajengro liil 7:51

Har o tselo Debleskro kheer kerdo vas oun kova, hoy dren his, hoy moukas o ray Salomo te krell, moukas lo ko koova te anell, hoy peskro dad, o David, o baro Debleske das. Ko roup oun sonakay oun ko tselo koova čivas lo an o baro Debleskro kheer, an koy isema, kay o bravlepen his.

1. Rajengro liil 6:37

An o starto bersh, har o Salomo baro ray his, van i telstoune barra o khereske o baro Deblestar čiddo. Kova his an o čon Siv.

1. Rajengro liil 7:1

Ap peskre khera boudras o Salomo 13 (deesh-te-triin) bersha, bis te halauter kerdo his.

1. Rajengro liil 7:2

Yek leskre kherendar his kharedo Libanoneskro veesh. Kava kheer his 50 (paash-sheel) metarya lengsto, oun 25 (biish-te-panč) metarya bourhlo oun 15 (deesh-te-panč) metarya baro, oun his tardo ap cedertikre rouka, kolengre pralstoune kotya tele činlo his. Kolla his tardo an star reihe. Oun pesse cedertikre kashta his čiddo ap lende.

1. Rajengro liil 8:66

Oun o vavar dives moukas o Salomo i menshen khere te djal. Oun yon parkran pen pash leste oun djan barhteles khere. Lengro dji givas pral ko tselo lačepen, hoy kras o baro Devel ap leskro boudepaskro, o Davideste, oun ap peskre menshende Israel.

1. Rajengro liil 9:10

Biish bersha boudran o Salomeskre boudepangre ap kol douy khera, ap o baro Debleskro kheer oun ap o baro rayeskro kheer.

2. Familjakro liil 8:6

Ninna o foro Bahalat kras lo neves, oun i tsele forya, kay leskre djobengre khera hi, oun i forya, kay leskre vourdya oun leskre graya tarde hi, oun lauter, hoy yob kamas te krell an o foro Yerusalem, ninna an o them Libanon, oun an o tselo them, koleskro ray yob his.

1. Rajengro liil 3:1

Oun o Salomo romedineras i čay o baro rayestar pral o them Egiptia. Kova his o Farao. Oun o Salomo anas lat an ko kotar o forestar Yerusalem, hoy kharell Davideskro foro, te djivell li kote yaake rah har boudran i boudepangre ap o Salomeskro kheer oun ap o baro Debleskro kheer oun ap i massouri troul Yerusalem.

2. Familjakro liil 7:1

Har o Salomo o baro Debleha rakras, har lo peskre tsele laba vi-rakras, peras i yag dran o bolepen oun rhačras i marede firhen oun kol kotya mass, hoy his čiddo ap i rhačepaskri. Oun o kheer vas pherdo o baro Debleskro raylepen,

2. Familjakro liil 8:1

Biish bersha boudran o Salomeskre boudepangre ap o baro Debleskro kheer oun ap o baro rayeskro kheer.