1. Rajengro liil 8:60 - O Debleskro Lab 2024 (Sinte-Manouche)

⁶⁰ Palle nay dikenn i menshe an i tsele vavar themma ap kay phoub, kay o baro Devel o čačo Devel hi, yob oun kek vavar.

O Debleskro Drom 2021 (Sinte)

⁶⁰ Palle nai dikenn i menshe an i tsele wawar themma ap kai phub, kai o baro Dewel o tchatcho Dewel hi, job un kek wawar.

1. Rajengro liil 8:60 Referans Kwoze

5. Mose 4:35

T'men moukas lo kova te dikell, te djinenn, te hi o baro Devel o čačo Devel, oun te dell kek vavar debles har les kokres.

2. Rajengro liil 19:19

Kanna, maro baro Devel, le men vin dran o vast o baro rayestar pral o them Assour, te nay dikenn oun hayvenn i menshe an i tsele themma ap kay phoub, kay tou, baro Devel, kokres o Devel hal.”

1. Rajengro liil 18:39

Har i tsele menshe kova dikan, peran le ap pengre mouya oun dan gole: “O baro Devel, yob hi o Devel! O baro Devel, yob hi o Devel!”

Jesaja 45:22

T'mer menshe ap i tseli phoub, avenn pash mande! Oun me lau t'men dran o čilačepen vin. Me hom o Devel oun dell kek vavar har man!

Jesaja 44:8

Ma darenn, mire menshe! Ma trashenn! Moukom me kova t'men gar te shounell oun penom les t'menge gar glan i rah tsiro? Oun t'mer shounan oun dikan les. Dell i vavar debles har man kokres? Dell i vavar zorelo debles, koles gar prindjrau?

Jesaja 44:6

O baro Devel, ko ray pral o Israel, kay ginas les vin dran i čilače vasta, – yob, kay hi o ray pral o bolepen oun i phoub, penell: Me hom o glanstouno oun me hom o palstouno, oun dell kek vavar debles har man kokres.

Jesaja 44:24

Kava penell o baro Devel, kova, kay ginas tout vin dran i bibarht, oun kova, kay tout kras har gomme gar boldo hals: Me, o baro Devel hom kova, kay lauter kras, Me kokres krom o bolepen bourhlo pral i phoub, Oun har me i phoub zoreles pre čivom, his kek kote pash mande.

1. Samuel 17:46

Kava dives dell o baro Devel tout an miro vast. Oun me dau tout moulo, oun dau tiro shero toutar tele. Oun kava dives dau i tsele moule lourden t'mendar Filistarya i čirklende tel o bolepen te rhal oun i divye firhende ap kay phoub. Palle dikenn oun hayvenn le an i tsele themma, te hi i Israelitaryen i Devel.

5. Mose 4:39

Yaake hounte djinenn kava dives oun bistrenn kova gar: Dell kek vavar Devel har o baro Devel kokres. Kek vavar devel hi an o bolepen oun vitar gar ap i phoub.

Joel 2:27

Oun t'mer Israelitarya dikenna, te hom me mashkral t'mende. Me, o baro Devel, hom t'maro Devel oun kek vavar. Oun t'mer, mire menshe, venn an kek tsiro bouder praasedo.

1. Rajengro liil 8:43

palle shoun tou, kay djiveh an bolepen, oun kre halauter, hoy ko vi-themari toutar mangell, te nay hayvenn i menshe an i tsele themma ap kay phoub, koon tou hal, oun mangenn tout an, yaake har tire menshe Israel. Palle djinenn le, kay tou djiveh an kava kheer, hoy touke krom.

Josua 4:24

Oun kova kras lo doleske, te dikenn i tsele natsyone ap kay phoub, har zorelo o baro Devel hi. Oun t'mer hounte rikrenn t'menge hako tsiro t'maro baro Debles glan i yaka.”

1. Rajengro liil 8:59

Mou venn kal laba oun hoy lestar mangom, maro baro Debleske an o shero, ap o dives oun an i rati, te dell lo men čačepen hako tsiro, man, kay leskro boudepaskro hom, oun ninna leskre tsele menshende Israel.

2. Mose 6:7

Kamau, te venn t'mer mire menshe, oun me kamau t'maro Devel te vell. Oun t'mer dikenn oun hayvenn, te hom me, o baro Devel, t'maro Devel, kay las t'men vin dran i phari boudi, hoy i Egiptarya ap t'mende čivan.

Jesaja 37:20

Kanna, maro baro Devel, le men vin dran o vast o baro rayestar pral o them Assour, te nay dikenn oun hayvenn i menshe an i tsele themma ap kay phoub, kay tou, baro Devel, kokres o Devel hal.”