1. Rajengro liil 8:43 - O Debleskro Lab 2024 (Sinte-Manouche)

⁴³ palle shoun tou, kay djiveh an bolepen, oun kre halauter, hoy ko vi-themari toutar mangell, te nay hayvenn i menshe an i tsele themma ap kay phoub, koon tou hal, oun mangenn tout an, yaake har tire menshe Israel. Palle djinenn le, kay tou djiveh an kava kheer, hoy touke krom.

O Debleskro Drom 2021 (Sinte)

⁴³ palle shun tu, kai djiweh an bolepen, un kre halauter, hoi ko wi-themari tutar mangell, te nai haiwenn i menshe an i tsele themma ap kai phub, koon tu hal, un mangenn tut an, jaake har tire menshe Israel. Palle djinenn le, kai tu djiweh an kau kheer, hoi tuke krom.

1. Rajengro liil 8:43 Referans Kwoze

Debleskri gili 102:15

Tire boudepangre kamans, te vell o foro neves kerdo. Lenge hi ropaske pral i barra ko tele-phagedo forestar.

1. Samuel 17:46

Kava dives dell o baro Devel tout an miro vast. Oun me dau tout moulo, oun dau tiro shero toutar tele. Oun kava dives dau i tsele moule lourden t'mendar Filistarya i čirklende tel o bolepen te rhal oun i divye firhende ap kay phoub. Palle dikenn oun hayvenn le an i tsele themma, te hi i Israelitaryen i Devel.

Jesaja 11:9

Ap o Debleskri berga Sion krell bouder kek čilačo koova, vitar gar doukrell yek i vavares. Yaake har o baro pani pherdo pani hi, yaake vell i tseli phoub pherde menshe, kay prindjrenn o baro Debles.

Debleskri gili 86:9

I tsele natsyone, kolen tou kral, kolla venna oun mangenn tout an, maro rayes, oun sharenn tiro raylepen.

Debleskri gili 67:2

Devel, kre tiro dji menge pre, oun čip tiri barht ap mende! Dik tou lačes ap mende!

Debleskri gili 22:27

Mou rhan i čorvele oun venn čalo! Oun kolla, kay ap o baro Debleste gole denna, mou sharenn les! Lenge te vell i djipen, hoy gar pre-herella!

2. Rajengro liil 19:19

Kanna, maro baro Devel, le men vin dran o vast o baro rayestar pral o them Assour, te nay dikenn oun hayvenn i menshe an i tsele themma ap kay phoub, kay tou, baro Devel, kokres o Devel hal.”

Debleskro tsiro 11:15

Oun ko eftato bolepaskro phourdas an peskri phourdepaskri. Koy his i rakepen an o bolepen, oun boud dan bari gole, oun penan: “Kanna hi o Devel oun leskro čavo, o Yezous Kristo, i raya pral i tsele menshende ap i phoub hako tsireske.”

2. Familjakro liil 6:33

palle shoun tou, kay djiveh an bolepen, oun kre halauter, hoy ko vi-themari toutar mangell, te nay hayvenn i menshe an i tsele themma ap kay phoub, koon tou hal, oun mangenn tout an yaake har tire menshe Israel. Palle djinenn le, kay tou djiveh an kava kheer, hoy touke krom.

Josua 4:24

Oun kova kras lo doleske, te dikenn i tsele natsyone ap kay phoub, har zorelo o baro Devel hi. Oun t'mer hounte rikrenn t'menge hako tsiro t'maro baro Debles glan i yaka.”

Josua 4:23

T'maro baro Devel moukas o Yordan glan t'mende trouk te vell, bis te djan halauter vergel. Yaake har o baro Devel kova ninna o Baro Lolo Panyeha kras.

1. Rajengro liil 8:60

Palle nay dikenn i menshe an i tsele vavar themma ap kay phoub, kay o baro Devel o čačo Devel hi, yob oun kek vavar.

1. Rajengro liil 18:36

Oun har ko tsiro vas, kay rati o Debleskro rhapen anlo vas, djas o Eliya pash koy rhačepaskri oun kharas: “Baro Devel, tou o Devel o Abrahamestar, o Isaakestar oun o Israelestar, kava dives mou vell diklo, kay tou hal o Devel an Israel, oun me hom tiro boudepaskro, oun krom kava tselo koova yaake, har tou mange penal.

1. Familjakro liil 16:8

Parkrenn t'men pash o baro Debleste, oun hadenn leskro lab! Penenn i menshenge an vavar themma kova, hoy yob kras!

Debleskri gili 33:14

Yob hi beshdo ap peskri rayeskri beshepaskri oun dikell ap lauterende, kay ap i phoub djivenna.

Jeremia 25:29

Shounenn, ko foro, hoy pal mande kharedo hi, hi kova, kay anau i bibarht glanstounes ap leste. Patsenn t'mer, kay lenn gar t'mari phagi? Na-a! T'mer ninna lenn t'mari phagi. Me bičrau o kourepen pral halauterende, kay djivenn ap kay phoub. Kova penell o baro Devel, ko ray pral o bolepen oun i phoub.

5. Mose 26:15

Dik tele ap mende dran tiro bolepaskro kheer! Oun čip tiri barht ap mende, tire menshende Israel, oun ap ko them, hoy tou men dal, yaake har tou tout glan mare phourende sovel dal, te deh men i them, hoy yaake lačo hi, te nashell thoud oun gvin koy dren.”