1. Rajengro liil 8:3 - O Debleskro Lab 2024 (Sinte-Manouche)

³ Oun har i tsele phoureder dran Israel khetne his, hadan i rashaya o morhton kol deesh labentsa o baro Deblestar pre,

O Debleskro Drom 2021 (Sinte)

³ Un har i tsele phureder dran Israel khetne his, hadan i rashaja o mochton kol deesh labentsa o baro Deblestar pre,

1. Rajengro liil 8:3 Referans Kwoze

Josua 3:6

Oun ap i rashayende penas lo: “Hadenn o morhton pre, kay o Debleskre deesh laba dren hi! Oun djan glan i menshende glan!” Koy hadan le o morhton pre, oun djan i menshenge glan vin.

5. Mose 31:9

O Mose činas kal čačepaskre laba an i liil, oun das les kol phoureden pral Israel oun kol rashayende dran o kheer Levi, kay o Debleskro morhton hidjran, kay o Debleskre deesh laba dren hi.

Josua 3:3

oun moukas i menshenge te penell: “Ap ko tsiro, kay dikenn t'mer, har hidjrenn i rashaya dran o kheer Levi ko morhton, kay o Debleskre deesh laba dren hi, hoy t'men t'maro baro Devel das, palle stenn pre, oun djan pal o morhton!

4. Mose 4:15

Ap ko tsiro, kay djan i Israelitarya doureder, hounte krenn o Aron oun leskre čave kava halauter oun hounte čakrenn kol tsele kotya o Debleskro plarhteno khereske oun halauter, hoy koy pashel hi. Pal kova venn kol Kohatarya oun hidjrenn kova. Kaya hi lengre boudi. Yon taprenn kokres kol plarhte an, hoy troul ko tselo koova čiddo hi, oun gar ko Debleskro koova, te merenn yon gar.

1. Familjakro liil 15:2

An ko tsiro penas o David: “Kek hounte hidjrell o morhton o Debleskre deesh labentsa, har kokres i Levitarya, kolen rodas o baro Devel vin, te hidjrenn yon ko morhton, oun te boudrenn yon leske hako tsiro.”

Josua 6:6

Oun o Yosua, koleskro dad o Noun his, das i rashayen pash peste gole, oun penas ap lende: “Anenn o morhton, kay o Debleskre deesh laba dren hi! Oun efta t'mendar hidjrenn hakeno yek phourdepaskri oun djan glan ko morhton.”

Josua 4:9

Deesh-te-douy vavar barra čivas o Yosua mashkral an o pani Yordan, kote kay i herya kol rashayendar tardo his, kay hidjran o morhton, kay o Debleskre deesh laba dren hi. Oun kote hi kol barra ninna gomme kava dives.

4. Mose 7:9

Kolen, kay van pal o Kohat, das yob či. Lengri boudi his, te hidjrenn le o Debleskro koova, hoy an leskro kheer his. Kova hounte hidjrenn le ap pengre phika.

1. Rajengro liil 8:6

Oun i rashaya anan o morhton o Debleskre deesh labentsa ap peskri platsa an koy palstouni isema, hoy kharell Debleskri kouč isema. Yon čivan o morhton tel kol douy bolepangre figure, kay kharenn Keroubim, tel lengre čirklengre moussya.

2. Samuel 6:12

Oun o baro rayeske David vas penlo, kay čivas o baro Devel peskri barht oun zoor ap o Obed-Edomeskro kheer, oun ap lauter, hoy les his, doleske, kay o Debleskro morhton pash leste hi. Koy djas o David koy oun las o Debleskro morhton dran o kheer foun o Obed-Edom, oun anas les an o Davideskro foro i barhtelo djiyeha.