1. Rajengro liil 8:2 - O Debleskro Lab 2024 (Sinte-Manouche)

² Oun i tsele morsha dran Israel van khetne pash o baro rayeste, o Salomo, an kol bare divessa an o eftato čon. Kova hi o čon, hoy kharell Etanim.

O Debleskro Drom 2021 (Sinte)

² Un i tsele mursha dran Israel wan khetne pash o baro rajeste, o Salomo, an kol bare diwessa an o eftato tchon. Kowa hi o tchon, hoi kharell Etanim.

1. Rajengro liil 8:2 Referans Kwoze

3. Mose 23:34

Pen ap i Israelitarya: An o eftato čon hi kol bare divessa, kay djivenn t'mer an patyengre khera efta divessa, te vell o baro Devel sharedo. Ko ersto dives hi o 15. (deesh-te-pančto) dives an kava čon.

Johanni 7:37

Ap ko pralstouno oun shoukeder dives, vas o Yezous pale glan kol tsele menshende, oun das gole: “Kones troush hi, kova te vell pash mande oun piyella!

Johanni 7:2

I tikno tsiro glan kol biboldengre bare divessa, hoy kharenna Soukot, penan leskre phrala ap leste: “Ma ač an o them Galilea! Dja an o them Youdea, te dikenn ninna tire mala, havo baro koova tou kreh!

Esra 3:4

Oun yon rikran kol bare divessa, kay djivenn i Israelitarya an patyengre khera, yaake har tele činlo vas, oun rhačran yaake boud firhen o Debleske kol tsele efta divessa, har hako diveske glan činlo his.

2. Familjakro liil 5:3

Oun i tsele morsha dran Israel van khetne pash o baro rayeste an kol bare divessa an o eftato čon.

1. Rajengro liil 8:65

Oun ap ko tsiro his kol bare divessa, kay djivenn i Israelitarya an patyengre khera. Oun o Salomo khetne kol tsele Israelentsa rikran kol bare divessa. His boud menshe kote khetne dran o tselo them, foun Lebo-Hamat bis pash koy tala mank Israel oun Egiptia. Efta divessa his le khetne glan maro baro Debleste, oun koy pal pale efta divessa. Kolla his khetne deesh-te-star divessa.

5. Mose 16:13

Oun pal i niyal, te dan t'maro tselo djob vin oun anan i drake dren, rikrenn kol bare divessa dren, kay djivenn an patyengre khera. Efta divessa djivenn an lende,

1. Rajengro liil 12:32

Oun yob čivas i baro dives dren an o orhtato čon, ap o deesh-te-pančto dives, te vals ko dives har kol bare divessa an o them Youda. Oun ap i rhačepaskri rhačras lo firhen. Kova kras lo an Betel, kote rhačras lo firhen kol terne groumyenge dran sonakay, hoy lo kras. Oun kote an Betel čivas lo rashayen an pengri boudi dren, te his le rashaya ap kol moulne platse, hoy lo kras, kay mangenn le i moule deblen an.