1. Rajengro liil 7:15 - O Debleskro Lab 2024 (Sinte-Manouche)

¹⁵ Yob kras douy turme dran lolo saster, hakeno his enya metarya baro, oun yaake pesso, te djals i dori, hoy shob metarya lengsto hi, troul leste.

O Debleskro Drom 2021 (Sinte)

¹⁵ Job kras dui turme dran lolo saster, hakeno his enja metarja baro, un jaake pesso, te djals i dori, hoi shob metarja lengsto hi, trul leste.

1. Rajengro liil 7:15 Referans Kwoze

Jeremia 52:21

Orhta metarya his kol douy turme bares tarde. I dori, hoy panč-te-paash metarya lengsto hi, djals yek kopo troul hakeneste. O lolo saster ap hako turmo his star goushte pesso. Dren an i turme his či.

1. Rajengro liil 7:21

Oun yob čivas kol douy turme pre glan koy glanstouni halla glan o Debleskro kheer. Ko turmo ap i čači rig moukas lo Yakin te kharell, oun ko turmo ap i servi rig moukas lo Boas te kharell.

Jeremia 52:13

Oun yob rhačras o baro Debleskro kheer tele, ninna ko kheer o baro rayestar oun kol vavar khera an o foro Yerusalem; ava, hako baro kheer rhačras lo tele.

1. Rajengro liil 7:41

Kava koova his: kol douy turme oun lengre sherya; kol douy shoukar pandepen dran shelle, hoy ap i sherya his;

1. Rajengro liil 7:16

Oun yob kras douy sherya dran lolo saster oun čivas len pral pre ap i turme, hako shero his 2,5 (douy-te-paash) metarya baro.

2. Rajengro liil 25:13

Oun i lourde dran Babilonia phagan i bare turme paash, hoy dran lolo saster kerdo van oun glan o kheer o baro Deblestar tardo his. Ninna phagan le kol vourdya an kotya oun ko thopaskro čaro, hoy dran lolo saster kerdo vas, oun hoy an o baro Debleskro kheer tardo his. Oun ko tselo lolo saster anan i Babilonarya an o them Babilonia.

Jeremia 27:19

Kova hi, hoy penell o baro Devel, ko ray pral o bolepen oun i phoub, pral ko koova, hoy pral ačas an o foro Yerusalem: kol bare turme oun ko baro thopaskro čaro, oun kol panyeskre vourdya, oun ko vavar kouč koova an o Debleskro kheer,

Jeremia 52:17

Oun i lourde dran Babilonia phagan i bare turme paash, hoy dran lolo saster kerdo van oun glan o kheer o baro Deblestar tardo his. Ninna phagan le kol vourdya an kotya oun ko baro thopaskro čaro, hoy dran lolo saster kerdo vas, oun hoy an o baro Debleskro kheer tardo his. Oun ko tselo lolo saster anan i Babilonarya an o them Babilonia.

Ezekiel 40:49

Koy tseli glanstouni halla his deesh metarya bourhlo oun shob metarya lengsto. Oun deesh stufe djan ap late pre. Oun pash o voudar his ap haki rig yek turmo tardo.

1. Familjakro liil 18:8

Oun boud lolo saster las lo dran i forya Tibhat oun Koun. Kal forya his an o them, kay his o Hadad-Eser o baro ray. Kolestar moukas o Salomo o panyeskro čaro oun kol douy turme oun vavar koola dran lolo saster o Debleskro khereske te krell.