1. Rajengro liil 5:13 - O Debleskro Lab 2024 (Sinte-Manouche)

¹³ Yob rakras pral i rouka, kol bare cedertikre roukendar, kay hi ap o Libanon tardo, bis pash o tikno bour, o Hysop, hoy vell dran i massouri vin. Ninna rakras yob pral i firhende ap o them: pral i čirkle, oun pral i tikne firhe, hoy djan pral i phoub, oun pral i mače.

O Debleskro Drom 2021 (Sinte)

¹³ Job rakras pral i ruka, kol bare zedertikre rukendar, kai hi ap o Libanon tardo, bis pash o tikno bur, o Ysop, hoi well dran i massuri win. Ninna rakras job pral i viechende ap o them: pral i tchirkle, un pral i tikne vieche, hoi djan pral i phub, un pral i matche.

1. Rajengro liil 5:13 Referans Kwoze

1. Rajengro liil 9:15

Kova hi o lab, hoy činlo hi pral i boudi, hoy hounte kran i boudepangre o baro rayeske Salomo. Lentsa kras yob o baro Debleskro kheer oun peskro kheer, oun ko turmo Millo, oun koy massouri troul Yerusalem, oun kol forya Hazor oun Megiddo oun Geser.

1. Rajengro liil 4:6

O pralstouno pral o baro rayeskro kheer his: o Ahishar. O pralstouno pral i boudepangre his: o Adoniram, koleskro dad o Abda his.

2. Familjakro liil 10:4

“Kova, hoy tiro dad mendar kamas, djas boud kope pral mari zoor. Mouk tou čomone tele mendar, oun de men gar savi phari boudi har tiro dad men das, palle ham mer tire lače boudepangre.”