1. Rajengro liil 3:14 - O Debleskro Lab 2024 (Sinte-Manouche)

¹⁴ Oun te djah tou an mire dromma, yaake har tiro dad, o David, oun rikreh mire laba oun kreh, hoy toutar kamau, palle kamau me touke i lengsto djipen te dell.”

O Debleskro Drom 2021 (Sinte)

¹⁴ Un te djah tu an mire dromma, jaake har tiro dad, o David, un rikreh mire laba un kreh, hoi tutar kamau, palle kamau me tuke i lengsto djipen te dell.”

1. Rajengro liil 3:14 Referans Kwoze

Gosewe laba 3:2

Yaake vell tout i lengsto djipen, oun tire djipaskre bersha venn pherdo lačepen.

Debleskri gili 91:16

Me dau les i lengsto djipen oun sikrau les, te hom kova, kay les vin lell dran i bibarht.”

Zakarie 3:7

Kova penell o baro Devel, ko ray pral o bolepen oun i phoub: Te djah tou ap mire dromma, oun kreh koy boudi mishto, hoy dom toute, palle vess o pralstouno pral miro kheer oun kol glanstoune platse. Oun tou nay veh glan mande khetne kolentsa, kay kate tardo hi.

1. Rajengro liil 15:5

O David kras, hoy glan o baro Debleskre yaka mishto his, oun rikras pes peskro tselo djipen ap kol tsele laba, hoy o baro Devel leske penas; vin lino hi ko koova, hoy kras lo ko morsheha Uriya, ko Hetari.

Gosewe laba 3:16

An peskro čačo vast, rikrell o gosvepen i lengsto djipen touke, peskro servo vasteha dell lo tout bravlepen oun raylepen.

2. Familjakro liil 34:2

Oun yob kras, hoy mishto hi glan o baro Debleskre yaka, oun djas o drom, kay leskro phouro dad o David ninna djas, oun peras gar kava dromestar tele, gar ap i čači rig oun vitar gar ap i servi rig.

1. Rajengro liil 3:6

Kote penas o Salomo: “Baro lačepen kral tou miro dadeske, o Davideske, kay touke koy his, oun ap toute rikras, oun djivas an tiro čačepen peskro tselo djiyeha glan toute. Oun moukal tiro lačepen pral leste te vell, oun dal les i čavo. Kova hi kanna ap leskri beshepaskri beshdo pal leste.

Bičepangre 13:22

Palle čivas o Devel o Saules ap i rig te ačell lo bouder gar baro ray, oun las peske o Davides, oun kras les baro ray. Kolestar penas yob: Me hatsom i morshes, pral leste hom barhtelo. Yob hi o David, koleskro dad hi o Isay. Me rodom o Davides vin, te krell lo lauter, hoy me leske penau.

Debleskri gili 132:12

Te rikrenn tire čave ap mande oun mire laba oun krenn, hoy me lenge penau, palle venn ninna lendar bare raya, yaake te vell hako tsiro yek tire čavendar baro ray.

Debleskri gili 21:4

Tou čoral pral leste barht pral barht, čival shereskro sonakay ap leskro shero.

1. Familjakro liil 28:9

Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.

5. Mose 5:16

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

1. Timoteo 4:8

Te dikeh ap kova, te venn tire moussya oun herya zoreles, hi kova gar boud moldo. Te dikeh ap kova, te vell tiro patsepen zoreles, hi kova boud moldo, oun tou leh o čačo djipen. Ko djipen dell tout o Devel kanna ap kay phoub oun an ko tsiro, hoy vella.

2. Familjakro liil 29:2

Oun yob kras, hoy glan o baro Debleskre yaka mishto hi, har leskro phouro dad, o David, ninna kras.

1. Rajengro liil 3:3

O Salomo kamas o baro Debles o djiyestar, oun djivas pal kol laba, hoy leskro dad, o David, leske penas. Yek koova kras lo, hoy gar mishto his: Yob maras ninna firhen i vavar deblenge oun rhačras lenge soungepaskro koova.

5. Mose 25:15

Le save barra oun pirya, kolen o čačo barepen hi! Palle djiveh i rah tsiro an ko them, hoy t'maro baro Devel tout dell.

5. Mose 5:33

Djan yaake ap leskro drom, har yob t'menge sikras! Palle ačenn djido, oun djal t'menge mishto. Oun t'mer nay djivenna i rah tsiro an ko them, hoy t'mer dren lenn, te vell lo t'maro.

1. Rajengro liil 11:34

O Davideske, kay mange koy his, krau me kova gar, yaake rah har o Salomo djivell. O Davides rodom vin, oun yob rikras pes ap mire laba oun miro čačepen. Doleske nay ačell o Salomo baro ray peskro tselo djipen.

1. Familjakro liil 28:7

Te djivell lo pal mire laba oun miro čačepen, yaake har lo kanna krell, krau me, te vell hako tsiro yek leskre čavendar, kay pal leste venna, o baro ray.

Debleskri gili 21:5

Djipen mangas lo toutar, oun tou dal les leste: o djipen, hoy gar pre-herella, dal tou les.