1. Rajengro liil 22:47 - O Debleskro Lab 2024 (Sinte-Manouche)

⁴⁷ Ninna tradas lo kol morshen oun djouvyen dran o them vin, kay bikran pen lovenge ap kol platse, kay i moule debla an-mangedo van, kolla, kay pral ačan dran ko tsiro, kay leskro dad, o Asa, o baro ray his.

O Debleskro Drom 2021 (Sinte)

⁴⁷ Ninna tradas lo kol murshen un djuwjen dran o them win, kai bikran pen lowenge ap kol platse, kai i mule debla an-mangedo wan, kolla, kai pral atchan dran ko tsiro, kai leskro dad, o Asa, o baro rai his.

1. Rajengro liil 22:47 Referans Kwoze

2. Rajengro liil 3:9

Yaake djan kol douy bare raya pral Israel oun pral Youda vin pengre lourdentsa. Ninna o baro ray pral Edom peskre lourdentsa djas lentsa. Har yon efta divessa dour djan, his kol lourden oun ko firhen, kay pash lende his, kek pani.

2. Samuel 8:14

Oun yob čivas moskre dren an hako foro an o them Edom. Oun o Davides his penepaske pral o tselo them Edom. O baro Devel his ap o Davideskri rig, kay yob ninna djas.

2. Rajengro liil 8:20

An ko tsiro, kay o Yoram baro ray his, phagan i menshe dran Edom o baro rayeha an Youda oun čivan i vavar baro rayes pral pende dren.

1. Mose 27:40

Tou djiveh kolestar, hoy tiro rharo anella touke, oun hounte boudress tiro phraleske. I dives vella, kay hadeh tout ap leste, oun moukeh les bouder gar ray pral toute te vell.

1. Mose 25:23

O baro Devel penas ap late: “Tou veh i day douy čavendar. Kol douyendar venna boud menshe, yaake boud, kay hakenestar yek natsyona vella. Ko terneder vell zorleder har ko phoureder oun vell o ray pral leste.”

1. Rajengro liil 15:12

Oun yob tradas kol morshen oun djouvyen vin dran o them, kay bikran pen lovenge ap kol platse, kay van i moule debla an-mangedo. Oun i tsele figuren kol moule deblendar, hoy leskre phoure kran, moukas lo krik te anell.