1. Rajengro liil 22:42 - O Debleskro Lab 2024 (Sinte-Manouche)

⁴² O Yosafat his 35 (triyanda-te-panč) bersha, har vas lo baro ray. 25 (biish-te-panč) bersh his lo baro ray oun djivas an kava tsiro an o foro Yerusalem. Leskri day his i Azouba, kolakro dad o Shilhi his.

O Debleskro Drom 2021 (Sinte)

⁴² O Josafat his 35 (trijanda-te-pantch) bersha, har was lo baro rai. 25 (biish-te-pantch) bersh his lo baro rai un djiwas an kau tsiro an o foro Jerusalem. Leskri dai his i Asuba, kolakro dad o Shilhi his.

1. Rajengro liil 22:42 Referans Kwoze

2. Rajengro liil 8:16

O Ahabeskro čavo, o Yoram, his an o pančto bersh baro ray pral Israel, koy vas o Yoram, koleskro dad o Yosafat his, baro ray pral Youda. An ko tsiro his leskro dad Yosafat ninna gomme baro ray pral Youda.

2. Rajengro liil 1:17

Oun o Ahasya meras. Kova vas yaake har o baro Devel rakras, oun o Eliya ap o Ahasya penas. Les his kek čavo. Doleske vas pal leste leskro phraal, o Yoram, o baro ray. Leskro dad his o Yosafat. An ko tsiro his o Yoram an o douyto bersh baro ray pral o them Youda.

1. Rajengro liil 15:10

Oun yob his 41 (star-deesh-te-yek) bersha baro ray an o foro Yerusalem. Leskri day his i Maaka, lakro dad his o Abishalom.

1. Rajengro liil 15:2

Triin bersha his lo baro ray an o foro Yerusalem. Leskri day his i Maaka, kolakro dad his o Abishalom.

1. Rajengro liil 14:21

Oun o Salomeskro čavo, o Roboam, vas o baro ray pral o them Youda. 41 (star-deesh-te-yek) bersh his lo phouro, har yob baro ray vas, oun 17 (deesh-te-efta) bersha his lo baro ray an Yerusalem, ko foro, hoy o baro Devel rodas peske vin dran o tselo them Israel, te nay mangenn le les kote an. Oun i day o Roboamestar his i Naama. Yoy his dran o them Ammon.

1. Rajengro liil 22:41

Oun o Yosafat, koleskro dad o Asa his, vas o baro ray pral o them Youda, har o Ahab an o starto bersh o baro ray pral o them Israel his.

1. Rajengro liil 22:43

Oun o Yosafat djas ap ko tselo drom, kay leskro dad, o Asa, ninna djas. Oun yaake har leskro dad kras lo, hoy lačo hi glan i yaka o baro Deblestar.

2. Familjakro liil 20:31

Oun o Yosafat his o baro ray pral o them Youda. Yob his 35 (triyanda-te-panč) bersha, har vas lo baro ray. 25 (biish-te-panč) bersh his lo baro ray, oun djivas an kava tsiro an o foro Yerusalem. Leskri day his i Azouba, kolakro dad o Shilhi his.