1. Rajengro liil 22:40 - O Debleskro Lab 2024 (Sinte-Manouche)

⁴⁰ Oun o Ahab meras, oun leskro čavo Ahasya vas o baro ray pal leste.

O Debleskro Drom 2021 (Sinte)

⁴⁰ Un o Ahab meras, un leskro tchawo Ahasja was o baro rai pal leste.

1. Rajengro liil 22:40 Referans Kwoze

2. Familjakro liil 20:35

Har his o Yosafat o baro ray pral Youda, his o Ahasya o baro ray pral Israel. Kova djivas yaake, har glan o baro Debleste gar mishto hi. Koy vas i dives, kay kran kol douy vin,

2. Rajengro liil 1:17

Oun o Ahasya meras. Kova vas yaake har o baro Devel rakras, oun o Eliya ap o Ahasya penas. Les his kek čavo. Doleske vas pal leste leskro phraal, o Yoram, o baro ray. Leskro dad his o Yosafat. An ko tsiro his o Yoram an o douyto bersh baro ray pral o them Youda.

2. Rajengro liil 1:2

Ko baro ray, kay pal o Ahab vas, his o Ahasya. His i dives, har his lo an peskri pralstouni isema an o foro Samaria, koy peras lo tele dran i vorhni oun doukras pes. Oun yob bičras morshen an o foro Ekron oun penas ap lende: “Djan koy oun poučenn o deblestar Baal-Seboub, – kova hi o devel o forestar Ekron: Vau me pale sasto?”

1. Rajengro liil 22:51

Oun o Yosafat meras, oun vas paskedo pash peskre phourende an o Davideskro foro. Oun leskro čavo, o Yoram, vas baro ray pal leste.

1. Rajengro liil 14:31

Oun o Roboam meras oun vas paskedo pash peskre phourende an o Davideskro foro. Leskri day his i Naama dran o them Ammon. Oun leskro čavo Abiya vas baro ray pal leste.

1. Rajengro liil 11:21

Oun har shounas o Hadad an o them Egiptia, te meras o David, oun te his o Yoab, ko pralstouno i lourdendar ninna moulo, kote penas lo ap o Farao: “Mouk man te djal, te nay djap pale an miro them!”

1. Rajengro liil 2:10

Oun o David meras oun vas paskedo an o foro Yerusalem.

2. Samuel 7:12

Te hi tiro tsiro trouyel, oun tou mereh, hadau yekes tire čavendar, kay pal toute venna, te vell lo baro ray, oun ačell kova.

5. Mose 31:16

O baro Devel penas ap o Mose: “Sik vell o dives, kay mereh. Oun pal tiro merepen moukenn i Israelitarya miro drom, oun nashenn kol deblenge palla ko themestar, an koleste venna. Oun yon djan penge mandar, oun krenn bouder gar, hoy lentsa vin krom.

1. Rajengro liil 22:39

Oun ko tselo vavar koova, hoy pral o Ahab penepaske hi, oun halauter, hoy yob kras, kova hi činlo an i familyakro liil o bare rayendar pral Israel. Kote dren hi ninna tardo, har yob peske i kheer kras dran kouč parno dand, oun have forya yob moukas zorleder te krell.

1. Rajengro liil 22:41

Oun o Yosafat, koleskro dad o Asa his, vas o baro ray pral o them Youda, har o Ahab an o starto bersh o baro ray pral o them Israel his.

1. Rajengro liil 11:43

Oun o Salomo meras oun vas paskedo pash peskre phourende an o Davideskro foro. Oun leskro čavo, o Roboam, vas o baro ray pal leste.

1. Rajengro liil 22:52

O Ahasya, koleskro dad o Ahab his, vas o baro ray pral Israel, har o Yosafat an o 17. (deesh-te-eftato) bersh o baro ray pral o them Youda his. O Ahasya his douy bersha ray pral Israel, oun djivas an ko tsiro an o foro Samaria.