1. Rajengro liil 22:25 - O Debleskro Lab 2024 (Sinte-Manouche)

²⁵ “Čačepah” penas o Mika, “tou dikeh les ap ko dives, kay khatreh tout an i palstouni isema!”

O Debleskro Drom 2021 (Sinte)

²⁵ “Tchatchepah” penas o Micha, “tu dikeh les ap ko diwes, kai khatreh tut an i palstuni isema!”

1. Rajengro liil 22:25 Referans Kwoze

1. Rajengro liil 20:30

Oun kol vavar, kay djido ačan, nashan sik an o foro Afek. Kote peras o foreskri massouri ap lende, kay pral ačan. Kolla his 27.000 (biish-te-efta-zerya) morsha. Oun ninna o Ben-Hadad nashas peske an o foro, oun khatras pes an i kheer an i palstouni isema.

Debleskro tsiro 19:20

Oun ko firho vas tapedo, ninna leskro rhorheno rakepaskro. Ko rakepaskro kras boud baro koova, oun anas kolen ap o bengeskro drom, kay o firheskro lab ap pende lan, oun ko firhes an-mangan, hoy i menshendar kerdo vas. Oun djides van kol douy an i bari yag vitsedo, hoy zoreles rhačella oun khandella.

2. Petro 2:1

Glan i rah tsiro his rhorhene rakepangre an o them Israel, kay kran, har te bičras len o Devel. Yaake venna ninna mashkral t'mende rhorhene sikepangre, kay sikrenn t'men i rhorheno drom, kay anell t'men krik o Deblestar. Kol sikepangre denn o Yezouses, maro rayes, bourhoste, kay playsras peskro rateha lenge, te lell lo len dran o čilačepen vin. Yon nashenn an pengri bibarht.

Amos 7:17

Doleske penell o baro Devel: Tiri romni vell i loubni an o foro. Tire čave oun ča venn maredo o rhareha. Tiri phoub lenn vavar menshe. Tou meress an i pale-čiddo them. Oun i Israelitarya venn vin tradedo dran lengro them.”

Jeremia 29:32

Doleske dau me, o baro Devel, leste oun leskri familyate i phagi. Kek lendar ačell djido mank kal menshende. Oun yob dikell gar ko lačepen, hoy krau ap mire menshende. Peskro rakepah anas yob mire menshen mandar krik. Kova penell o baro Devel.

Jeremia 23:15

Doleske penell o baro Devel, ko ray pral o bolepen oun i phoub, pral lende: Kol rakepangre an Yerusalem kran, te kamenn i menshe an o tselo them či bouder mandar te djinell. Doleske dau me kal rakepangren rhapen te rhal oun pani te piyell, hoy krell len nasselo.

4. Mose 31:8

Ninna maran le kol panč bare rayen pral i Midianarya. Yon kharan Evi, Rekem, Sur, Hour, oun Reba. Ninna dan le o Bileames o rhareha moulo, koleskro dad o Beor his.

1. Rajengro liil 22:26

Kote penas o ray pral Israel: “Lenn o Mika oun anenn les pash ko pralstuneste pral o foro, o Amon, oun pash miro čaveste, o Yoash,

Jeremia 32:8

Oun yaake har o baro Devel mange penas, vas o Hanamel, – kova his miro neboudo – pash mande ap i lourdengri platsa, oun rakras mantsa oun penas: Gin touke miro kotar them, hoy pash o foro Anatot an o them Benyamin čiddo hi; tou hal o ersto mank mare menshende, kay hounte ginell les mandar. Gin tou ko kotar them! Kote hayvom, kay kava lab o baro Deblestar vas.

2. Rajengro liil 9:2

Te veh tou koy, hatseh ko morshes Yehou, koleskro dad o Yosafat hi, oun koleskro dad o Nimshi hi. De les vin gole dran kolende, kay pash leste hi! Oun dja leha an i palstouni isema!