1. Rajengro liil 22:19 - O Debleskro Lab 2024 (Sinte-Manouche)

¹⁹ O Mika penas: “Shoun, hoy o baro Devel penell! Me dikom o baro Debles, har yob beshdo his ap peskri beshepaskri. Oun i tsele bolepangre his pash leste tardo ap leskri čači rig oun ap leskri servi rig.

O Debleskro Drom 2021 (Sinte)

¹⁹ O Micha penas: “Shun, hoi o baro Dewel penell! Me dikom o baro Debles, har job beshdo his ap peskri beshepaskri. Un i tsele bolepangre his pash leste tardo ap leskri tchatchi rig un ap leskri serwi rig.

1. Rajengro liil 22:19 Referans Kwoze

Hiob 2:1

Oun vas o dives, kay van i bolepangre pale khetne pash o baro Debleste oun čivan pen tardo glan leste. Oun o beng his ninna pale mashkral lende.

Hiob 1:6

Oun vas i dives, kote van i tsele bolepangre pash o baro Debleste khetne, oun čivan pen tardo glan leste. Ninna o beng his mashkral lende.

Mateo 18:10

Ma čivenn kol tiknen ap i rig, har te vans le či moldo. Me penau t'menge: I bolepangre, kay ap lende yak denna, kolla nay djana hako tsiro glan miro dadeste an o bolepen, te mangenn le les lenge.

Hebrearja 1:14

I tsele bolepangre hi leskre boudepangre. Kolen bičras o Devel ap i rig kolendar, kay djan ap o Debleskro drom, te lenn le o Debleskro djipen, hoy gar pre-herella.

Hebrearja 1:7

Pral peskre bolepangre penas lo: Yon hi mire boudepangre, sik har i dourho, hoy phourdell pral i phoub, oun zorelo har i yag.

Ezekiel 13:2

Tou, mensho, de kolen an Israel trad, kay denn glan, te hi le mire rakepangre, oun rakrenn dran pende vin, oun penenn Kava lab vell o Deblestar. Pen lenge: Shounenn, hoy o baro Devel penell t'menge!

Hebrearja 12:22

Kova lauter dikan t'mer gar. Na-a. T'maro tsillo, kay venn khetne o Debleha, hi ap i berga Sion an o bolepen. Kote hi o foro o djido Deblestar tardo, o nevo foro Yerusalem. Kote hi boud boud zerya bolepangre, kay sharenn o Debles.

Jesaja 28:14

T'mer pre-phourde, kay penenn i menshenge an o foro Yerusalem, hoy le hounte krenn, kanna shounenn o lab o baro Deblestar:

Jesaja 1:10

T'mer raya dran Sodom, shounenn o lab o baro Deblestar! T'mer menshe dran Gomorra, shounenn, hoy kamell maro Devel t'menge te penell!

Debleskro tsiro 5:11

Oun me dikom oun shounom boud bolepangren tardo troul o rayeskro beshepaskro, oun troul kol star zorele bolepangre, oun troul kol čačepangre phourende. Yon his yaake boud har deesh zerya (10.000) kope deesh zerya oun yek zero kope yek zero.

Mateo 25:31

Oun o Yezous penas: Ap ko dives, kay vell o Mensheskro Čavo an peskro tselo raylepen, oun leha venna i tsele bolepangre, palle hi lo o ray pral halauter, oun rakrell o čačepen vin pral i tsele menshende ap i phoub.

Zakarie 1:10

O baro Devel bičras len, te dikenn le pen trouyel ap i phoub.”

Amos 7:16

Kanna shoun tou o Debleskro lab! Tou kamal gar, te penap me i Israelenge kol laba, hoy o baro Devel pral lende penas. Tou kamal gar te rakrap pral o kheer Isaak.

Jeremia 42:15

Palle shounenn o baro Debleskro lab, t'mer kay ačan pral an o them Youda! Kova penell o baro Devel, ko ray pral o bolepen oun i phoub, kay o Israeleskro Devel hi: Te krenn t'men ap o drom, te djan an o them Egiptia, oun te djivenn kote,

Jeremia 29:20

Kanna shounenn, t'mer lauter dran o foro Yerusalem, kay pandles krik anlo han an o them Babilonia! Shounenn, hoy moukell o baro Devel t'menge te penell:

Jeremia 2:4

Shounenn o baro Debleskro lab, t'mer Israelitarya, t'mer, o Yakobeskre menshe!

1. Samuel 16:14

Oun o baro Debleskro dourho djas peske o Saulestar. Oun o baro Devel bičras leske i čilačo dourho, hoy kras leske daar.

1. Rajengro liil 22:20

Oun o baro Devel penas: Koon nay krell, te patsell o Ahab o rhorhepen, oun djal an o kourepen o foreha Ramot an o them Gilead, oun merell kote? Oun ko yek penas yaake, ko vavar penas yaake.

2. Mose 24:9

Palle djas o Mose, o Aron, o Nadab, o Abihu oun 70 (efta-deesh) i phourendar dran Israel ap i berga pre.

2. Mose 24:10

Oun yon dikan o Israeleskro Debles. Oun tel leskre herya his čomone, hoy vi-dikas har kol kouč barra, hoy kharenna Safire. Oun kova his yaake djoudjo oun blaueto har o bolepen.

4. Mose 24:3

Oun yob penas kal laba: Kova penell o Bileam, koleskro dad o Beor hi. Kova penell ko morsh, kay van leske i yaka pre kerdo.

Debleskri gili 81:9

Mire menshe, shounenn ap mande, me dau t'men trad. Israel, shouness, hoy me touke penau:

Ezekiel 16:35

Doleske shoun, Yerusalem, tou loubni, hoy o baro Devel penell!