1. Rajengro liil 21:9 - O Debleskro Lab 2024 (Sinte-Manouche)

⁹ Oun an i lila his tardo: “Kharenn i tsiro vin, kay rhan t'mer či! Oun anenn i tsele menshen an o foro khetne, oun moukenn o Nabotes glanstounes te beshell!

O Debleskro Drom 2021 (Sinte)

⁹ Un an i lila his tardo: “Kharenn i tsiro win, kai chan tumer tchi! Un anenn i tsele menshen an o foro khetne, un mukenn o Nabotes glanstunes te beshell!

1. Rajengro liil 21:9 Referans Kwoze

Johanni 18:28

Kanna anan le o Yezouses dran o Kayafeskro kheer vin, oun anan les an o baro kheer o themeskro rayestar, kay i Remari his. His taysarlake. I bibolde djan gar leha an ko baro kheer dren, te venn le gar pale-čiddo. Yon kaman te nay rhan le ko rhapen ap ko baro dives, kay kharella Passa.

Louka 20:47

Yon lenn i khera kol djouvyendar krik, kolengre romma moulo hi. Te mangenn le o Debles, palle rakrenn le leha i rah tsiro, te dikenn i menshe, har patslo yon hi. O Devel rakrell i phagi pral lende vin, oun yon lenna i bareder phagi har i vavar.”

Mateo 23:13

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen! T'mer krenn o voudar pandlo, te vell kek ap o Debleskro drom. T'mer djan gar koy dren. Vitar gar moukenn i vavaren dren te djal.

Mateo 2:8

Oun yob penas lenge: Djan an o foro Betlehem oun rodenn ko ternepen! Oun te hatsan les, penenn les mange, te nay vap me ninna, te mangap les an.

Jesaja 58:4

Ap ko dives, kay rhan mange či, čingrenn t'men oun kourenn t'men, oun denn i čilačo vasteha dren. An kava tsiro, kay rhan mange či oun krenn savo čilačo koova, nay venn t'mer gar shounlo an o bolepen.

1. Rajengro liil 21:8

Palle činas yoy lila an o Ahabeskro lab, čivas i sikepen koy pre, hoy sikras, te van kal lila o Ahabestar, oun bičras len ap i phourende oun pralstunende, kay khetne o Naboteha an o foro Yesreel djivan.

1. Rajengro liil 21:10

Palle beshenn douy morshen, kay či moldo hi, pash leste. Kolla te rakrenn, har te penans le o čačepen glan lauterende: Nabot, tou praasal o Debles oun o baro rayes. Palle anenn les dran o foro vin oun vitsrenn les i barrentsa moulo!”