1. Rajengro liil 21:11 - O Debleskro Lab 2024 (Sinte-Manouche)

¹¹ Oun i phoureder oun pralstoune, kay leha an o foro djivenn, kran yaake, har i Isebel an lengre lila činas.

O Debleskro Drom 2021 (Sinte)

¹¹ Un i phureder un pralstune, kai leha an o foro djiwenn, kran jaake, har i Isebel an lengre lila tchinas.

1. Rajengro liil 21:11 Referans Kwoze

Bičepangre 5:29

O Petro oun i vavar Yezouseskre bičepangre penan: “Mer hounte shounas ap o Debleste boudeder har ap i menshende.

Bičepangre 4:19

O Petro oun o Yohanni penan ap lende: “Penenn menge, hi kova mishto glan o Debleste, te shounas mer boudeder ap t'mende har ap o Debleste?

Mateo 2:16

I goseve morsha djan ap i vavar drom an pengro them, oun van gar pash o Herodeste pale. Har yob kova hayvas, vas i bari rholi ap leste. Oun yob bičras lourden an o foro Betlehem oun an i gaba trouyel, te marenn le kol tsele morsh čaven, kay douy bersha oun terneder hi. Kol douy bersha his ko tsiro, kay i goseve morsha leske penan, te vas o čavo boldo bis ko dives.

Mateo 2:12

Oun an i souni penas o Devel lenge, te djan le gar pash o Herodeste pale. Yaake djan le penge, te venn le ap i vavar drom an pengro them pale.

Micha 6:16

Ko čilačo koova, hoy kol raya, o Omri oun o Ahab, t'menge glan kran, kova kran t'mer ninna. Oun hoy yon penan, kova kran t'mer ninna. Doleske krau me dran t'maro foro i moulo foro. Oun pral t'mende, kay kote djivenn, san i vavar menshe. Bari ladj vell pral t'mende.

Hosea 5:11

O Efrayim las pes glan, te nashell lo i rhorhene deblenge palla. Doleske vell lo kanna tele rikedo. Oun leskro čačepen vell i pirentsa stakedo.

Gosewe laba 29:26

Boud rodenn i rayes pre, te rakrenn le leha. Kova, kay dell o menshes peskro čačepen, hi kokres o baro Devel.

Gosewe laba 29:12

I ray, kay ap rhorhene laba shounella, koleskre boudepangre venn lauter rhorhene.

2. Familjakro liil 24:21

Koy rakran le pen mank pende tele, te marenn le les, oun vitsran les i barrentsa moulo ap i glanstouni platsa glan o baro Debleskro kheer. Yaake penas les lenge o baro ray, o Yoash.

1. Samuel 23:20

Te kameh tou tele te vell pash mende, palle ab! Oun mer dah les an tiro vast.”

1. Samuel 22:17

Oun o baro ray Saul penas ap kol lourdende, kay troul leste tardo hi: “Djan ap lende oun denn kal rashayen o baro Deblestar moulo. Lengre vasta his o Davideha. Yon djinan, te hi lo ap o naashepen oun penan kova mange gar.” Kol morsha kaman gar o baro Debleskre rashayen an-taprell oun kaman len gar moulo te dell.

3. Mose 19:15

Te vell o čačepen vin kerdo, palle de koles peskro čačepen, koles čačo hi! Ma tserde koles glan, kay čorvelo hi, vitar gar koles, kay bravelo hi. Hakeno hounte lell peskro čačepen.

2. Mose 1:17

Kol douy rhačede rhalya daran o Deblestar oun shounan gar ap o baro rayeste, hoy yob penas. Yon moukan ninna kol morsh čaven te djivell.

1. Rajengro liil 21:10

Palle beshenn douy morshen, kay či moldo hi, pash leste. Kolla te rakrenn, har te penans le o čačepen glan lauterende: Nabot, tou praasal o Debles oun o baro rayes. Palle anenn les dran o foro vin oun vitsrenn les i barrentsa moulo!”

1. Rajengro liil 21:12

Yon kharan i tsiro vin, kay rhan le či, oun moukan o Nabotes glanstounes te beshell.

Jesaja 59:14

Mer dam i vavaren gar lengro čačepen, oun boud kope rakram gar o čačepen pral lende vin. Ap i parepaskri platsa ginam oun bikram o rhorhepah, oun čačo rakepen hatseh kote gar.