1. Rajengro liil 20:11 - O Debleskro Lab 2024 (Sinte-Manouche)

¹¹ Kote penas o baro ray Ahab: “Penenn leske: Kova, kay pandell o rharo troul peste, te djal lo an o kourepen, hounte krell kek baro rakepen. Kova, kay vell pale dran o kourepen nay krell pes bares.”

O Debleskro Drom 2021 (Sinte)

¹¹ Kote penas o baro rai Ahab: “Penenn leske: Kowa, kai pandell o charo trul peste, te djal lo an o kurepen, hunte krell kek baro rakepen. Kowa, kai well pale dran o kurepen nai krell pes bares.”

1. Rajengro liil 20:11 Referans Kwoze

Gosewe laba 27:1

Ma share tout pral kova, hoy hi tout glan o vavar dives! Tou djineh gar, hoy touke ko dives anell.

Sikepaskro 9:11

Pale dikom, har ap kay phoub djala: O sikeder naashepaskro vell gar glanstounes an. O zorleder kourepaskro hi gar o feteder lourdo. Sikle menshe hi gar kolla, konen o boudeder rhapen hi. I goseve hi gar i bravele. Kova, kay čomone mishto hayvell, hi gar kova, kay an-diklo hi. O tsiro oun i barht penenn, har hakeneske djal.

Mateo 26:75

Oun o Petreske van o Yezouseskre laba an o shero, hoy yob leske penas: “O bashno dell gar gole yaake rah, har tou man gar triin kope bourhoste dal.” Oun o Petro djas dran o baro voudar vin, oun rovas zoreles.

1. Samuel 14:6

Oun o Yonatan penas ap ko terno morsheste, kay leskro kourepaskro koova hidjrell: “Ab, mer djas pash kol rhalende, kay koy vergel yak denn. Nay hi, te vell o baro Devel menge ap i rig. Te krell lo kova, hi yek, kitse mer ham, boud oder gar boud.”

Jeremia 9:23

Koon kamell pes te sharell, kova te sharell pes, kay yob prindjrell man, oun te hayvell yob, kay me o baro Devel hom. Me krau miro dji pre i menshenge, oun krau, hoy čačo oun mishto hi ap i phoub. Savo koova hi mishto glan mire yaka. Kova penau me, o baro Devel.

Jeremia 46:17

Kharenn ko lab o Faraestar, ko rayestar pral o them Egiptia: Baro Mouyeskro, koleskro tsiro trouyel hi.

2. Rajengro liil 3:21

Har i Moabarya shounan, kay kol triin bare raya pengre lourdentsa pre van, te kourenn le pen lentsa, dan yon i tsele morshen khetne gole, kay phouro doha his, kay nay djan an o kourepen, oun anan len pash i themeskri rig, kay o them Israel vell.

Hiob 41:8

Oun yek shouppa čivell pes yaake ap i vavar, te nay djal kek dourho mashkral lende dren.