1. Rajengro liil 17:11 - O Debleskro Lab 2024 (Sinte-Manouche)

¹¹ Har djas li peske, te anell li kova, das lo pal late gole oun penas: “An mange i kotar maro touha!”

O Debleskro Drom 2021 (Sinte)

¹¹ Har djas li peske, te anell li kowa, das lo pal late gole un penas: “An mange i kotar maro tuha!”

1. Rajengro liil 17:11 Referans Kwoze

Hebrearja 13:2

Te vell yek pash t'mende, ma bistrenn, te lenn les an t'maro kheer! His menshe koy, kay lan bolepangre an pengro kheer, oun djinan les gar.

Mateo 10:42

Koon della yekes mire malendar i khoro shilo pani te piyell, koles dell o Devel čačepah ko lačepen pale, hoy yob kras.

1. Rajengro liil 18:4

Oun an ko tsiro, kay i Isebel o baro Debleskre rakepangren kamas te marell, las o Obadya sheel lendar oun khatras len, i paash-sheel an kay grotta oun i paash sheel an koy grotta, oun anas lenge maro oun pani, te rhan le oun piyenn le.

1. Rajengro liil 17:9

“Kre tout ap o drom oun dja an o foro Zarpat, ko hi pash Sidon čiddo, oun ač kote! Me penom kote i djouvyake, kolakro rom meras, te dell li tout rhapen oun pipen.”

1. Mose 18:5

Me lau t'menge maro, te venn pale zoreles. Pal kova nashte djan doureder, har t'mer kamenna. Yaake van gar čičeske pash mande.” Oun yon penan: “Kre yaake, har tou penal!”

1. Rajengro liil 17:10

Oun yob stas pre oun djas an o foro Zarpat. Oun har vas lo ap o foreskro voudar, dikas lo kote i djouvel, kolakro rom meras. Koya hadas kasht pre. Yob rakras lah oun penas: “Le mange i čaro pani, te piyap!”

1. Rajengro liil 17:12

Kote penas li: “Pash o baro Debleste, tiro djido Debleste, man hi kek peklo rhapen. Či har i vast pherdo yarro an i piri oun i roy pherdo djet an o khoro hi man. Ake, yek, douy kotya kasht, hoy hadom pre. Kanna djau khere oun krau mange oun miro čaveske i rhapen, te rhas. Oun palle hounte meras.”