1. Rajengro liil 16:21 - O Debleskro Lab 2024 (Sinte-Manouche)

²¹ An ko tsiro peran i menshe an Israel an douy kotya, kolla ap koy yek rig nashan o Tibni palla, koleskro dad o Ginat his, te vell yob lengro baro ray, oun kol vavar rikran ap o Omri.

O Debleskro Drom 2021 (Sinte)

²¹ An ko tsiro peran i menshe an Israel an dui kotja, kolla ap koi jek rig nashan o Tibni palla, koleskro dad o Ginat his, te well job lengro baro rai, un kol wawar rikran ap o Omri.

1. Rajengro liil 16:21 Referans Kwoze

Mateo 12:25

O Yezous hayvas, hoy an lengro shero trouyel djas. Oun yob penas ap lende: Hako them oun hako foro djal paash, kay douy bare raya kourenn pen. Oun an yek kheer nashte venn gar douyen penepaske. Kova djal gar.

Jesaja 19:2

Oun me kamau len yek ap o vavareste pre te anell, yaake te marell pes yek phraal o vavareha, yek maal o vavareha, yek foro o vavareha, oun yek them o vavareha.

Gosewe laba 28:2

Te hi boud čilačepen an o them, venn ninna boud raya pre. Te vell savo morsh o ray, kay djinell boud oun hayvell lauter mishto, palle hi o čačepen i rah tsiro an o them.

1. Rajengro liil 16:29

O Ahab, koleskro dad o Omri his, vas o baro ray pral Israel an ko bersh, har o Asa an o 38. (triyanda-te-orhtato) bersh o baro ray pral Youda his. An kol 22 (biish-te-douy) bersha har o Ahab baro ray his, djivas lo an o foro Samaria.

1. Rajengro liil 16:8

An o 24. (biish-te-starto) bersh, har o Asa o baro ray pral Youda his, vas o Ela, koleskro dad o Baasha his, o baro ray pral Israel. Yob his douy bersha baro ray oun djivas an ko tsiro an o foro Tirza.

1. Rajengro liil 15:28

Kote maras les o Baasha an o triinto bersh, har o Asa o baro ray pral o them Youda his. Oun o Baasha vas baro ray pral Israel pal o Nadab.

1. Rajengro liil 15:25

Oun o Nadab, koleskro dad o Yerobeam his, vas baro ray pral Israel, har his o Asa an o douyto bersh o ray pral Youda. Oun o Nadab his douy bersha o ray pral Israel.

1. Rajengro liil 16:20

Oun ko tselo vavar koova, hoy pral o Simri penepaske hi, oun leskro phoukepen, kova hi činlo an i familyakro liil i bare rayendar pral Israel.

1. Rajengro liil 16:22

Kal menshe, kay ap o Omri rikran, van zorleder har kol menshe, kay nashan o Tibni pal. Oun har o Tibni meras, vas o Omri o ray pral i tsele menshende.