1. Rajengro liil 14:11 - O Debleskro Lab 2024 (Sinte-Manouche)

¹¹ Kova, kay o Yerobeameskre menshendar hi, oun merell an kava foro, koles rhan i djoukle ap o drom pre. Oun kova, kay merell glan o foro, koles rhan i čirkle. Kova penas o baro Devel.”

O Debleskro Drom 2021 (Sinte)

¹¹ Kowa, kai o Jerobeameskre menshendar hi, un merell an kau foro, koles chan i djukle ap o drom pre. Un kowa, kai merell glan o foro, koles chan i tchirkle. Kowa penas o baro Dewel.”

1. Rajengro liil 14:11 Referans Kwoze

1. Rajengro liil 16:4

Koon i menshendar Baasha an o foro merella, koles rhan i djoukle, oun koon leskre menshendar vin glan o foro merella, koles rhan i čirkle.

Jeremia 15:3

Me, o baro Devel, lom man glan, te anap star kope pharo koova pral lende: o rhareha te venn le moulo dino, i djoukle tserdenn len krik, i čirkle rhan len, oun kova hoy lendar pral ačell, rhan i divye firhe pre.

Jesaja 66:24

Oun yon djan vin, te dikenn le penge kol moule menshen an, kay mantsa phagan. Kolengro kirmo merell gar, oun lengri yag djal gar vin. Oun yon hi čadepaske halauterenge, kay dikenn le.

1. Rajengro liil 21:19

Rake leha oun pen leske, hoy me, o baro Devel, leske penau: Hi kova gar doha, te maral i morshes? Hounte čoress tou kanna leskro kotar them? Me, o baro Devel, penau touke: Ap ko kotar phoub, kay i djoukle piyan o rat o morshestar Nabot, kote piyenn i djoukle tiro rat ninna.”

2. Rajengro liil 9:9

Oun me kamau, te djal i menshenge, kay van pal o Ahab, yaake har kol menshenge, kay van pal o Yerobeam, koleskro dad o Nebat his, oun har kol menshenge, kay van pal o Baasha, koleskro dad o Ahia his.

Jeremia 34:20

Oun me dau len an i vasta kolendar, kay kamenn len te marell, oun lenge ap o djipen djan. Oun lengro moulo mass vell o rhapen i čirklenge oun i divye firhenge.

4. Mose 23:19

O Devel hi gar i mensho, kay rhorhella, vitar gar i mensheskro čavo, koles khaytell, hoy yob kras. Penell yob čomone, hoy yob gar krella? Penell yob kova, kay rikrell yob gar?

1. Rajengro liil 13:34

Kay doosh, hoy anas o Yerobeam ap peste, kras, te meras leskri familya vin, oun vas bouder gar hatslo ap i tseli phoub.

1. Rajengro liil 15:29

Oun har yob baro ray vas, maras lo i tseli familya o Yerobeamestar. Oun yob moukas kekes leskri familyatar djido. Yaake vas kova čačo, hoy penas o baro Devel ap peskro boudepaskro, o Ahia dran Shilo, oun hoy kova doureder penas.

1. Rajengro liil 16:3

Doleske krau touha, Baasha, oun tire menshentsa, har krom i menshentsa o Yerobeamestar, koleskro dad o Nebat his. Me moukau kek lendar djides.

Jesaja 40:5

O baro Debleskro raylepen vell diklo. Oun i tsele menshe dikenn les. Kova penas o baro Devel.”