1. Rajengro liil 12:29 - O Debleskro Lab 2024 (Sinte-Manouche)

²⁹ Oun koy yek figura anas lo an o foro Betel oun koy vavar an o foro Dan.

O Debleskro Drom 2021 (Sinte)

²⁹ Un koi jek figura anas lo an o foro Betel un koi wawar an o foro Dan.

1. Rajengro liil 12:29 Referans Kwoze

1. Mose 28:19

Oun yob das kol platsa ko lab Betel. Glan ko tsiro his o lab ko forestar Louz.

Amos 8:14

Oun kolla, kay denn pen sovel pash o rhorheno devel an Samaria, oun penenn: pash ko devel, koles o kheer Dan an-mangell, oun pash o devel o forestar Beersheba, kal menshe perenn oun stenn bouder gar pre.

Hosea 4:15

Israel, ninna te kameh tou tout trouyel te loubrell, kamau gar, te krenn i menshe an o them Youda sau koova har tou, oun anenn doosh ap pende. Ma djan an i forya Gilgal oun Bet-Aven, te mangenn kote i rhorhene deblen an! Oun ma denn t'men kote sovel oun penenn “Me dau man sovel pash o djido Debleste.”

Jeremia 8:16

Kolla, kay kamenn te kourenn pen mentsa, hi pash o foro Dan tardo. Foun kotar shounah koy gole lengre grayendar. O tselo them trissell koy golyatar hoy i graya denn. Yon venna oun rhan ko tselo them pre, lauter, hoy ap ko them hi, kol forya oun lauter, hoy koy dren djivella.

2. Rajengro liil 10:29

Kol vavar rhorhene deblen moukas lo tardo: kol sonakangre terne groumya an Betel oun Dan. Kolen kras o Yerobeam, koleskro dad o Nebat his. Oun o Yerobeam anas i Israelitaryen o Debleskro dromestar tele, te mangenn yon kol figure an. Oun o Yehou moukas len kova ninna te krell.

Čačepangre 20:1

Oun i tsele morshenge dran Israel his mishto, te venn le khetne glan o baro Debleste an o foro Mispa. Yon van dran o tselo them, hake rigyendar kotar pral, kay i menshe Dan djivenna bis tele pash o foro Beersheba, oun koy pashel dran o tselo them Gilead.

5. Mose 34:1

Oun o Mose djas dran o telstouno them, kay i Moabarya djivenn, oun djas pre ap i berga Nebo, bis pral pre ap ko pralstouno kotar, hoy kharell Pisga oun hi čiddo ap i vavar rig o forestar Yericho. Oun o baro Devel moukas les kote o tselo them te dikell: o them Gilead oun doureder pre bis pash o them Dan,

1. Mose 35:1

Oun o Devel penas ap o Yakobeste: “Kre tout ap o drom, dja an o foro Betel! Ač kote oun kre kote i rhačepaskri, te rhačress mange firhen. Me hom ko Devel, kay moukas pes toutar te dikell, har tou tiro phralestar Esau krik nashal.”

1. Mose 14:14

Har o Abram shounas, kay leskro phraleskro čavo pandlo oun krik anlo vas, kharas yob peskre morshen. Les his 318 (triin-sheel-deesh-te-orhta) čače morsha, kay pash leste boldo van. Kolentsa tradas yob i star bare rayen oun lengre lourden bis pash ko foro Dan.

1. Mose 12:8

Kotar djas o Abram doureder an i berge pash o foro Betel. Mank kol forya Betel oun Ai čivas yob peskro plarhteno kheer pre. Ko foro Betel hi čiddo ap koy rig, kay o kham tele djala. Oun o foro Ai hi čiddo ap koy rig, kay o kham pre djala. Kote kras yob pale i rhačepaskri o baro Debleske, kay venn firhe leske rhačedo, oun kharas o baro Debles an.

Čačepangre 18:26

Yaake djan i Danarya pengro drom. Oun har o Mika dikas, te hi yon zorleder har yob, rissras lo trouyel, oun djas pale khere.

1. Rajengro liil 15:20

Kote shounas o Ben-Hadad ap o baro rayeste Asa, bičras peskre lourden pengre pralstunentsa, te kourenn le pen i foryentsa an o them Israel. Oun yon lan kol forya Iyon, Dan oun Abel-Bet-Maaka dren, koy pashel o tselo them Génésareth oun o tselo them Naftali.

2. Rajengro liil 2:2

Oun o Eliya penas ap o Elisa: “Ač tou kay, o baro Devel bičras man an o foro Betel.” O Elisa penas: “Me dau man sovel pash o djido Debleste. Yaake har čačo hi, kay tou djiveh, me moukau tout gar kokres.” Oun har yon an Betel van,

Jeremia 48:13

Oun i Moabarya, kay patsan, te vell lengro devel, o Kemosh, lenge ap i rig, yon hounte ladjenn pen, yaake har o kheer Israel hounte ladjas pes, har van leske leskre debla an o foro Betel gar ap i rig, ap kolende yon pen zoreles rikran.

Hosea 10:5

I menshe an o foro Samaria darenn, te vell ko sonakaskro terno gouroum krik lino, hoy hi tardo an o foro Bet-Aven. Yon rovenna har pal yekeske, kay meras. Leskre rashaya trissenna troul leskro shoukapen, te vell lo lestar krik lino.

Amos 5:5

Ma djan an Betel, vitar gar an Gilgal! Ma krenn t'men ap o drom an Beersheba! Me penau t'menge: I menshe an Gilgal venn pandles krik anlo. O foro Betel, hoy kharell Debleskro kheer, vell i foro, kay i benga khere hi.

Amos 7:13

Kate an Betel mangell o baro ray o Debles an, kate hi leskro kheer. Doleske nay rakreh tou gar pale kate an o Debleskro lab.”

Josua 7:2

Oun o Yosua bičras morshen dran o foro Yericho, te djan le pash ko foro Ai. Kava foro hi čiddo pash Bet-Aven oun gar dour o forestar Betel, ap leskri rig, kay o kham pre djal. Oun yob penas ap lende: “Djan pre oun dikenn t'men an o them čorrhanes trouyel!” Oun kol morsha kran kova,

1. Rajengro liil 13:4

Oun har shounas o baro ray i laba o Debleskro morshestar, kol laba, hoy ko Debleskro morsh vin kharas pral koy rhačepaskri an Betel, koy sikras o Yerobeam peskro vasteha ap leste, oun penas: “Taprenn les!” Koy nashras leskro vast peskri zoor, oun yob nay tserdas les gar pale pash peste.

2. Familjakro liil 13:8

Oun kanna patsenn t'mer, te han zorleder har ko them, pral koleste o baro Devel o Davideskre čaven čivas, te venn le bare raya. Boud han, ko dikau, oun pash t'mende hi t'mare sonakangre terne groumya, hoy o Yerobeam t'menge das, te venn le t'mare debla.