1. Rajengro liil 12:14 - O Debleskro Lab 2024 (Sinte-Manouche)

¹⁴ Na-a, yob rakras lentsa yaake, har i terne morsha kova leske penan. Oun penas: “Te čivas miro dad i pharo djipen ap t'mende, me krau t'maro djipen gomme phareder! Miro dad das t'men i čoupniyah, me dau t'men i čoupniyah, hoy saster pre hi!”

O Debleskro Drom 2021 (Sinte)

¹⁴ Na-a, job rakras lentsa jaake, har i terne mursha kowa leske penan. Un penas: “Te tchiwas miro dad i pharo djipen ap tumende, me krau tumaro djipen gomme phareder! Miro dad das tumen i tchupnijah, me dau tumen i tchupnijah, hoi saster pre hi!”

1. Rajengro liil 12:14 Referans Kwoze

Jakobo 3:14

Te zilverenn t'mer oun hadenn t'men pre pral i vavarende, ma penenn, kay han gosevo! Kova vals i rhorhepen oun gar o čačepen.

Daniel 6:7

Kote nashan kol raya oun kol pralstoune sik pash o baro rayeste oun penan ap leste: “Tou baro ray Darius, te djivess hako tsireske!

Sikepaskro 7:8

Feteder hi, te pandess tiro mouy, har te kress tiro mouy pre o rakepaske. Feteder hi, te dess gar sik pre, har te vess pre-phourdo.

Gosewe laba 17:14

Mouk tele o čingepah yaake rah har lo gomme tikno hi! Čingepen hi har pani, hoy dran i phoub vin phagell. Mouk tele glan kova yob zorleder vell!

Gosewe laba 16:18

Koon pes bares krell, vell phagedo. Oun i pre-phourdo mensho perell.

Gosewe laba 13:10

Mank i pre-phourde hi hako tsiro čingepen. Te hal gosevo, moukeh touke čomone te penell.

Gosewe laba 12:5

O Debleskre menshe kamenn o čačepen te krell. Čilače menshen hi či an o shero har rhorhepen.

2. Mose 1:14

Len his kek dji lenge oun kran lengro djipen phares. Oun i Israelitarya hounte rhačan barra dran čik. Ninna hounte boudran le phares ap i harhetikri phoub.

2. Mose 1:13

oun kran, te boudrenn i Israelitarya gomme phareder.

1. Rajengro liil 12:13

Oun o baro ray das i menshenge čilače laba pale, oun rakras gar yaake, har i phoureder leske penan.

Gosewe laba 29:12

I ray, kay ap rhorhene laba shounella, koleskre boudepangre venn lauter rhorhene.

Gosewe laba 5:13

Hoske shounom gar ap mire sikepangre, oun dom yak ap lengro rakepen?