1. Petro 3:3 - O Debleskro Lab 2024 (Sinte-Manouche)

³ T'maro shoukapen hounte vell gar diklo an kova, hoy i menshe dikenna: har t'mer t'mare balla hidjrenna, vitar gar an o sonakay oun kouč ripya!

O Debleskro Drom 2021 (Sinte)

³ Tumaro shukapen hunte well gar diklo an kowa, hoi i menshe dikenna: har tumer tumare balla hidjrenna, witar gar an o sonakai un kutch ripja!

1. Petro 3:3 Referans Kwoze

Remarja 12:2

I menshe ap kay phoub djivenn pal pengro shero. Ma djivenn yaake har yon! Moukenn t'men o Deblestar neves te krell, te hayvenn t'mer, hoy yob kamella: kova, hoy hi lačo oun mishto oun čačo.

Jesaja 61:10

Me hom barhtelo pral o baro Debleste, oun miro dji givell miro Debleske. Yob hi troul mende har i ripen, te vell kek čilačepen ap mende, oun čivas čačepen ap mende har i plaashka, yaake har hidjrell i biyabeskro i shoukar stadi, oun leskri pirni shoukar verklia oun goustria.

Jeremia 4:30

Yerusalem, tou hal dino! Hoy kreh tou? Tou riveh kouč lole koola ap toute, čiveh sonakay ap toute, oun makeh tire yaka an. Tou kreh tout shoukar čičeske! Tire pirne kamenn tout gar bouder, oun kamenn tout moulo te dell.

Jeremia 2:32

Nay bistrell i terni čay peskro sonakay, i terni djouvel, kay kamell romedinerell, peskro biyabeskro ripen? Na-a! Mire menshe bistrenn man pale te pale.

Jesaja 52:1

Ste pre! Ste pre, Sion! Ab pale zoreles! Čip tire kouč rayengre ripya ap toute, Yerusalem, tou Debleskro foro! Čačepah, kek tsiro vell kanna bouder, kay djal yek an toute dren, hoy gar činlo vas ap peskro mass, vitar gar yek, kay glan mande pale-čiddo hi.

2. Mose 33:4

Har i Israelitarya kol phare laba shounan, rovan lengre djia, oun kek lendar čivas bouder peskro sonakay oun roup ap peste.

1. Mose 24:53

Koy pal las yob roupeno oun sonakaskro koova vin, ninna shoukar ripya. Oun das kova i Rebekka. Lakro phrales oun lakri dat das lo ninna kouč koova.

1. Mose 24:47

Oun me poučom latar: Koneskri čay hal tou? Koy penas li: Miro dad hi o Betouel. Leskro dad hi o Nahor oun leskri day hi i Milka. Oun me čivom i goustri ap lakro nak oun i moussyengre goustria ap lakre moussya.

1. Mose 24:22

Har i khamele čalo his, las yob i sonakaskri goustri: shob gramme pharo, oun douy sonakangre moussyengre goustria: 120 (sheel-te-biish) gramme pharo. Oun das kova late. Oun yob poučas latar:

Debleskri gili 45:9

Tire ripya soungenn mishto pal myrrhe, Aloe oun Kassia. Bashepangre bashrenn touke an tire rayengre khera, hoy shoukar oun kouč kerdo hi.

2. Mose 38:8

Oun yob kras o thopaskro čaro dran lolo saster oun čivas les ap herya, hoy ninna dran lolo saster hi. Ko lolo saster las lo dran kol blendarya, hoy dan les kol djouvya, kay pash o voudar glan o Debleskro plarhteno kheer pengri boudi kran.

2. Mose 32:2

O Aron penas ap lende: “Lenn i sonakangre kanengre, hoy t'mare romya, morsh čave oun ča an i kanda hi, oun anenn len mange.”

Ezekiel 23:40

Ninna bičran le bičepangre pash vavar morshende, te venn yon dran dour themma pash lende. Oun, ava, yon van! Oun lenge thovan t'men, oun kran t'mare yaka shoukar, oun čivan sonakay ap t'mende.

Ester 5:1

Oun ap o triinto dives rivas i Ester rayengre ripya an oun djas ap koy platsa, hoy hi dren an o baro rayeskro kheer, vergel koy bari isema, kay o baro ray hi. Oun yob his beshdo ap peskri rayli beshepaskri vergel o voudar.

2. Mose 35:22

Morsha oun djouvya anan pendar sonakaskro koova: sonakangre soubya, kanengre, goustria, verklia oun vavar sonakangre koola o baro Debleske.

2. Mose 3:22

T'mare djouvya djan pash kolende, kay langs lende khere hi oun mangenn lendar sonakay oun roup, oun shoukar ripya. Kava lauter lenn lendar oun denn les t'mare čavende, te hidjrenn le les.”

2. Rajengro liil 9:30

Har o Yehou an o foro Yesreel vas, oun i Isebel kova shounas, kras yoy peskre yaka shoukar oun peskre balla ap o shero rayles, oun dikas dran i vorhni vin.