1. Petro 1:1 - O Debleskro Lab 2024 (Sinte-Manouche)

¹ Me, o Petro, činau kava liil. Me hom o Yezous Kristeskro bičepaskro, oun činau kava liil t'menge, kay djivenn an i themma Pontus, Galatia, Kappadocia, Asia oun Bitinia. T'mer han o Yezouseskre menshe oun djivenn mashkral kolende, kay patsenn gar ap o Yezous Kristeste.

O Debleskro Drom 2021 (Sinte)

¹ Me, o Petro, tchinau kau liil. Me hom o Jesus Kristeskro bitchepaskro, un tchinau kau liil tumenge, kai djiwenn an i themma Pontus, Galatia, Kappadocia, Asia un Bitinia. Tumer han o Jesuseskre menshe un djiwenn mashkral kolende, kai patsenn gar ap o Jesus Kristeste.

1. Petro 1:1 Referans Kwoze

Jakobo 1:1

Kava liil činau me, o Yakobo, kova, kay boudrell o Yezous Kristeske oun o Debleske. Me penau lače laba kolenge, kay patsenn ap o Yezous Kristeste oun djivenn mashkral kolende, kay gar patslo hi.

Hebrearja 11:13

Kol phoure patsle meran lauter. Ninna te lan le kova gar, hoy kamas o Devel len te dell, patsan le, te lenn le les. Yon dikan kova dour glan pende, oun his barhtelo pral kova. Yon penan pendar, te hi len kek them ap i phoub, oun te hi le kate gar khere.

Efesarja 2:19

Kanna han t'mer bouder gar save menshe, kay vin hi oun o Debles gar prindjrenna. Na-a, khetne kol vavar patslentsa han t'mer kanna o Debleskre menshe oun han khere pash leste.

Debleskri gili 44:11

Tou moukal men pale te djal glan kolende, kay kouran pen mentsa. Yaake nay čoran kolla mare koola, kay pral mende van.

Bičepangre 8:4

Kol patsle, kay ap o naashepen his, djan trouyel oun penan o lačo lab o Yezous Kristestar.

Johanni 11:52

oun gar i biboldenge kokres. Yob hounte merella ninna, te anell lo i tsele Debleskre čaven khetne.

Mateo 24:22

Te krals o Devel o čilačo tsiro gar tikneder, palle vals kek mensho dran o čilačo tsiro vin. Kolen, kay o Devel peske vin rodas, kolenge krell lo o čilačo tsiro tikneder.

1. Petro 2:11

Kamle mala, t'mer djinenn, kay han gar khere ap kay phoub. Me mangau t'men, avenn zorelo! Te vell o djoungelo koova an t'mare djia pre, palle penenn: “Na-a!” ap kova oun krenn les gar!

Ester 3:8

Koy pal penas o Haman ap o baro rayeste Ahasveros: “Kate denna menshe, kay djivenn penge kokres mank i tsele vavar menshende kate te kote an tire tsele themma. Oun len hi i vavar čačepen har i tsele vavar menshen. Oun ap kova, hoy tou, baro ray, peneh, te vell kerdo, shounenn le gar. Kova hi gar mishto touke, te moukess len yaake doureder te krell.

5. Mose 28:64

Oun yob tradell t'men mank i menshende an i tsele themma ap kay phoub, kolen kate, oun kol vavaren kote. Lengre deblen dran kasht oun bar mangenn t'mer kote an. Kol deblen prindjrenn t'mer gar oun prindjran vitar gar t'mare phoure.

5. Mose 4:27

O baro Devel tradell t'men mank i menshende an i tsele themma, yekes kate oun ko vavares kote. Gar boud menshe ačenn t'mendar djido mank kol menshende an i vavar themma, kay o baro Devel t'men tradas.

2. Petro 1:1

Me, o Simon Petro, činau kava liil. Me boudrau o Yezous Kristeske oun hom leskro bičepaskro. Me činau ap lauterende, kay lan ninna ko patsepen har mer. Ko kouč patsepen, kay čivas men an o čačepen glan o Debleste, das men maro Devel oun o Yezous Kristo, kay las men dran o čilačepen vin.

Efesarja 2:12

Ap ko tsiro prindjran t'mer o Yezous Kristes gar oun hans gar o Debleskre menshendar. Ko lačo koova, hoy o Devel peskre menshenge penas, te dell lo len, his gar t'menge. T'mer prindjran o Debles gar, oun djivan har an i kali rat oun dikan kek momeli glan t'mende.

2. Korintarja 1:8

Mire phrala, t'mer hounte djinenn, har hams an o them Asia, his maro djipen yaake pharo, te his men bouder kek zoor oun patsam, mer hounte meras.

Bičepangre 18:2

Koy tapras yob i biboldes dran o foro Pontus. Leskro lab his Akvila. Kova vas glan i tikno tsiro peskri romyah, i Priska, dran o them Italia. O baro ray an o foro Rom, o Klaudio, penas, te djan i tsele bibolde dran o foro Rom vin. Pash lende djas o Paulo kanna.

Ezekiel 6:8

Gar halauter t'mendar moukau o rhareha moulo te dell. Kolla, kay ačenn djido, moukau pandles krik te anell an vavar themma.

Debleskro tsiro 1:11

Oun ko rakepen penas: “Čin an i liil, hoy tou dikeh! Oun biče ko liil ap kol patslende, kay an kol efta forya khetne venna: Efesus, Smirna, Pergamon, Tiatira, Sardes, Filadelfia oun Laodicea!”

2. Timoteo 1:15

Tou djineh, kay moukan man kol tsele patsle, kay hi an o them Asia. Mank lende hi ninna i phrala Figelo oun Hermogeno.

Galatarja 1:2

Me oun i tsele phrala, kay pash mande hi, mer penah t'menge:

1. Korintarja 16:19

I tsele patsle an o them Akaya penenn t'menge lače laba. Ninna kol douy, o Akvila oun i Priska, oun kol vavar patsle, kay khetne venna an lengro kheer, penenn boud lače laba ap t'mende, kay han lengre phrala oun phenya an o patsepen.

Bičepangre 19:10

Kova kras yob douy bersha, te shounan i bibolde oun kolla, kay kek bibolde hi, an o them Asia o Debleskro lab.

Bičepangre 18:23

Oun har yob i tsiro koy his, djas lo doureder an i themma Galatia oun Frigia, oun das i tsele patslen zoor an o patsepen.

Bičepangre 6:9

Kote van bibolde pash leste. Kolla van dran boud biboldengre kangria. Yon his Libertarya, morsha dran i forya Kirene oun Alexandria, oun dran i themma Cilicia oun Asia. Oun yon rakran o Stefaneha oun čingran pen leha.

Johanni 7:35

“Kay kamell yob te djal, kay hatsah mer les gar?” poučas yek i vavarestar. “Kamell yob pash kol biboldende te djal, kay djivenn an o grichtikro them, te penell lo kote i menshenge o Debleskro lab?

Mateo 10:2

Kolla hi i laba kol deesh-te-douyendar, kolen o Yezous pash i menshende bičras: O glanstouno his o Simon, kay kharas ninna Petro, oun leskro phraal Andreas, oun o Yakobo oun leskro phraal Yohanni, – kolengro dad his o Zebedeo,

Mateo 4:18

Oun har yob pash o baro pani an o them Galilea djas, dikas lo kote douy phralen: O Simon, kay kharella ninna Petro, oun leskro phrales, o Andreas. Kolla his mačepangre, oun vitsran pengre mačengre gone an o pani, te taprenn le mačen.

3. Mose 26:33

T'men tradau me mank i menshende an i vavar themma, oun lau t'men o rhareha palla. T'maro them vell i moulo them, oun t'mare foryendar ačell či pral har barra.

5. Mose 32:26

Te daroms me gar o sapen kolendar, kay hi rhoyedo pral lende, penoms me: “Me marau len halauteren, te vell lengro lab bistedo ap i phoub.” Kova krau gar, te phourdenn pen kolla gar pre, kay kouran pen lentsa, te nashte penenn yon gar: “Dran mari zoor vas kova. O baro Devel kras kava gar.”

Louka 18:7

Har boud feteder hi o Devel! Patsenn t'mer gar, te vell lo ap i rig peskre vi-rodede menshendar, kay dives oun rati ap leste gole denna? Ava, yob vell ap lengri rig oun dell len lengro čačepen. Lell lo pes boud tsiro, te vell lo ap lengri rig?