1. Mose 9:5 - O Debleskro Lab 2024 (Sinte-Manouche)

⁵ Kek hounte lell t'maro djipen. Hakeno koon lell t'maro djipen, kolestar lau me ninna leskro djipen: hako firhestar oun hako menshestar.

O Debleskro Drom 2021 (Sinte)

⁵ Kek hunte lell tumaro djipen. Hakeno koon lell tumaro djipen, kolestar lau me ninna leskro djipen: hako viechestar un hako menshestar.

1. Mose 9:5 Referans Kwoze

2. Mose 21:12

Kova, kay dell i menshes yaake phares, te merell lo, kova hounte merell.

Debleskri gili 9:12

Givenn o baro Debleske, kay ap i berga Sion khere hi! Penenn i menshenge an vavar themma, hoy yob lauter kras!

Mateo 23:35

T'mer han čilačo har t'mare phoure. Yon maran i lače menshen yaake rah har i phoub tardo hi: O lačo morsh Abel vas maredo glan i tsele vavar menshende. Pal leste maran le vavar lače menshen bis ap ko tsiro, kay o Zakari maredo vas, koleskro dad his o Baraki. O Zakares maran t'mer mashkral o Debleskro kheer oun i sasterni rhačepaskri, kay i firhe o Debleske rhačedo venna. Doleske vell i phagi ap t'mende, kay kanna djivenna.

3. Mose 19:16

Ma dja trouyel oun pen rhorhepen pral i vavarende! Te hounte peneh vin glan i čačepangre, ma pen rhorhepen, te aness o vavares an o merepen. Me hom o baro Devel.

2. Mose 20:13

Ma mare kekes!

Bičepangre 17:26

Ko Devel kras ko yek menshes, o Adames. Kolestar van i tsele menshe an hake themma ap i phoub. Yob das len i tsiro, har rah yon djivenna, oun ninna an havo them yon djivenna.

1. Mose 42:22

Oun o Ruben penas ap lende: “Penom me gar ap t'mende: Ma krenn čilačepen o čaveske? T'mer shounan gar. Kanna vell leskro rat ap mende.”

Čačepangre 9:56

Yaake moukas o Devel o čilačepen ap o Abimelek pale te vell, hoy lo ap peskro dadeste kras, har moukas yob peskre efta-deesh phralen temerl dell.

2. Samuel 4:11

T'mer čilače menshe kran i djoungleder koova har kova kras! T'mer dan i morshes moulo, kay pal o čačepen djivas, oun dan les moulo an leskro kheer ap leskro čiben. T'mer hounte playsrenn leskro rateske! T'mer han bouder gar moldo te djivenn ap kay phoub.”

2. Familjakro liil 24:22

Oun o Yoash bistras har boud lačepen o Yoyada ap leste kras, koleskro čavo o Zakarie his, koles yob moukas te marell. Har o Zakarie meras, penas lo: “O baro Devel dikell kova, oun yob dell pale pale, hoy le ap mande kran.”

3. Mose 24:17

Koon i menshes moulo dell, hounte vell moulo dino.

3. Mose 24:21

Koon i firhes moulo dell, hounte dell sau firhes pale. Koon i menshes moulo dell, hounte merell.

4. Mose 35:16

Te das yek i vavares mit i kotar saster yaake, te merell yob, hi lo i marepaskro oun hounte vell moulo dino.

4. Mose 35:17

Vitsras yob i barreha ap leste, hoy bares doha hi, te nay marell lo yekes, oun kova meras koy pre, hi lo i marepaskro oun hounte vell moulo dino.

4. Mose 35:18

Das yob yekes i kashteha yaake, te meras kova koy pre, hi lo i marepaskro oun hounte vell moulo dino.

4. Mose 35:21

oder te das yob les dran rholi o vasteha yaake, te meras kova, palle hounte vell kova, kay das les, maredo. Yob hi i marepaskro. Kova, kay les an peskre vasta hi, te anell lo o rat o moulo morshestar ap o marepaskro shero, kova hounte marell kol marepaskres. Kay yob les taprella, hounte dell lo les moulo.

5. Mose 19:11

Hi vavarčandes yekeha, kay his rhoyedo ap yekeste oun khatrell pes, oun dell yak te taprell lo les, oun djal ap leste pre oun dell les moulo. Te nashell savo mensho an sau foro,

5. Mose 19:12

palle hounte bičrenn i phoureder dran leskro foro morshen koy, te lenn le les khere, oun denn les an i vasta kolestar, kay anell o rat ko moulestar pale ap o koleskro shero, kay das les moulo.

1. Rajengro liil 2:6

Kre leha yaake har glan tire yaka mishto hi! Yob hi kanna i phouro morsh. Mouk les gar an o lačepen te merell!

2. Rajengro liil 11:1

Har o Ahasya moulo his, stas leskri day, i Atalya, pre, te marell li hakenes, kay o baro rayeha dran yek familya vas.

2. Familjakro liil 33:24

Oun i bare morsha an leskro them čivan pen čorrhanes khetne, oun maran les an peskro kheer.

2. Familjakro liil 33:25

Doleske dan i morsha dran Youda halauteren moulo, kay pen khetne čivan, te marenn le o baro rayes Amon. Oun yon lan leskro čaves, o Yosia, te vell lo baro ray pal leste.