1. Mose 9:22 - O Debleskro Lab 2024 (Sinte-Manouche)

²² Oun o Ham, koleskro čavo o Kanaan hi, dikas peskro dades nanges, oun djas vin oun penas kova peskre douy phralenge.

O Debleskro Drom 2021 (Sinte)

²² Un o Ham, koleskro tchawo o Kanaan hi, dikas peskro dades nanges, un djas win un penas kowa peskre dui phralenge.

1. Mose 9:22 Referans Kwoze

Gosewe laba 30:17

Kova, kay praasell peskro dades, oun kamell gar ap peskri date te shounell, koleske hounte dens i korake i yaka vin, oun i bare čirkle hounte rhans len.

Galatarja 6:1

Mire phrala, nay vell, kay krell yek t'mendar i čilačo koova. Anenn kol menshes pale ap o čačo drom! Rakrenn leha lačes! Yaake sikrenn t'mer, kay djivenn yaake, har o Debleskro Dourho kova kamella. Denn yak ap t'mende, te perenn t'mer gar ninna o Debleskro dromestar tele!

1. Korintarja 13:6

Kones hi o Debleskro kamlepen an o dji, kova hi gar barhtelo pral o čilačepen. Yob hi barhtelo pral o čačepen.

Mateo 18:15

Te krell tiro phraal čilačo koova ap toute, palle dja pash leste kokres, oun pen leske, kay kova gar mishto hi, hoy yob kras. Oun te dikell lo, kay kova čačo hi, hoy tou leske penal, palle anal tou tiro phrales pale ap miro drom.

Debleskri gili 70:3

Praasepen oun ladj mou vell ap kolende, kay kamenn man te marell! Kre, te djal kolenge gar, hoy yon penge glan lan, kay kamenn mange čilačepen. Kre, te sanenn i vavar pral lende!

Debleskri gili 40:15

Kre, te ladjenn le pen, oun lenn i lolo shero, kolla lauter, kay kamenn man moulo dell! Kre len tikno, te ladjenn le pen, kolla, kay hi barhtelo pral miri bibarht!

1. Mose 10:6

O Ham: Leskre čave hi: o Koush, o Misrayim, o Pout oun o Kanaan.

Gosewe laba 25:9

Te hi tout i čingepen i vavareha oun moukeh o čačepen vin te krell mashkral t'mende, ma rake pral kova, hoy djineh khatedes lestar.

1. Familjakro liil 1:8

O Ham: Leskre čave his: o Koush, o Misrayim, o Pout oun o Kanaan.

1. Mose 9:25

“Bibarht ap o Kanaan! Yob vella o telstouno boudepaskro peskre phralenge!”

1. Mose 9:23

Koy lan o Sem oun o Yafet i ripen oun čivan les pral pengre phika oun djan pengro doumo glan-vi pash pengro dadeste, yaake kay dikan les yon nashte gar. Oun yon čakran les.

Habakuk 2:15

Djungeles djal touke, kay moukeh i vavaren tiro khoro pherdi rholi te piyell, oun kreh len mato, te dikess len nango!