1. Mose 7:7 - O Debleskro Lab 2024 (Sinte-Manouche)

⁷ Oun o Noah djas an o panyeskro kheer. Khetne leha djan leskre čave, leskri romni oun leskre čavengre romya, te tassenn le gar.

O Debleskro Drom 2021 (Sinte)

⁷ Un o Noah djas an o panjeskro kheer. Khetne leha djan leskre tchawe, leskri romni un leskre tchawengre romja, te tassenn le gar.

1. Mose 7:7 Referans Kwoze

Louka 17:27

Kol menshe rhan, piyan, oun romedineran, bis ap ko dives, kay o Noah an o panyeskro kheer djas, oun o baro pani vas, oun lauter tassan le.

2. Petro 2:5

Oun o Debleskri rholi vas pral kol menshende, kay djivan an ko tsiro, kay o Noah djivas. Yon kaman o Deblestar či te djinell, oun shounan gar ap o Noah, har yob lenge penas, te hounte djan le ap o Debleskro drom. Oun o Devel bičras o baro pani pral lende. O Noah kokres oun efta vavar tassan gar.

Mateo 24:38

Glan ko tsiro, har o baro pani vas, rhan oun piyan le, romedineran le, oun van romedino. Har o Noah an o panyeskro kheer djas,

1. Mose 7:1

Oun o baro Devel penas ap o Noah: “Dja an ko panyeskro kheer: tou oun tiri tseli familya. I tsele menshendar ap i phoub hal tou kokres lačo oun čačo glan mande.

1. Mose 6:18

Tout dau miro lab, kay ačeh djido. Koy dau miro vast pre. Oun tou djas tire čaventsa oun tiri romyah oun tire čavengre romyentsa an o panyeskro kheer dren.

1. Petro 3:20

Yob djas pash kol moulende, kay djivan an ko tsiro, kay o Noah djivas. Har o Noah ko panyeskro kheer kras, das o Devel i menshen i rah tsiro, te venn le pash leste. Oun yon van gar. His gar boudeder har orhta menshe, kay djan an o panyeskro kheer. Oun kolla tassan gar an o pani.

Hebrearja 11:7

Ninna o Noah patsas, hoy o Devel penas, har yob leha rakras, oun leste sikras, hoy pral i tsele menshende vella. Ninna te dikas o Noah kova gomme gar, shounas lo ap o Debleste, oun kras i baro panyeskro kheer. Yaake hounte meras yob peskre menshentsa gar. Har o Noah ko panyeskro kheer kras, vas diklo, te patsas yob, hoy o Devel penas. Ninna vas diklo, i vavar menshe patsan gar, hoy o Devel penas. Doleske hounte meran le. Ap o Noah penas o Devel: Tou patsal man. Tou hal kanna an o čačepen tardo glan mande.

Hebrearja 6:18

Ko lab, hoy das o Devel oun das peskro vast pre, nay vell an kek tsiro krik lino. O Devel rhorhella gar. Oun mer, kay vam pash leste, te lell lo men dran o čilačepen vin, men hi kanna leskro zorelo lab, te dell lo men o djipen, hoy gar pre-herella, yaake har yob penas.

Gosewe laba 22:3

Koles i gosevo dji hi, kova dikell, har i bibarht vella oun khatrell pes. Kolen či an o shero hi, kolla nashenn doureder, oun i bibarht vell ap lende.