1. Mose 49:3 - O Debleskro Lab 2024 (Sinte-Manouche)

³ Tou, o Ruben, miro phoureder čavo hal, miri zoor hi an toute. Har homs terno oun zorelo, vom tiro dad. Tou hal bareder oun zorleder har tire phrala.

O Debleskro Drom 2021 (Sinte)

³ Tu, o Ruben, miro phureder tchawo hal, miri soor hi an tute. Har homs terno un sorelo, wom tiro dad. Tu hal bareder un sorleder har tire phrala.

1. Mose 49:3 Referans Kwoze

Debleskri gili 78:51

Yob maras i tsele phoureder morsh čaven an o them Egiptia, kol čaven kolendar, kay venna pal o Ham, an kolende pengre dadengri bareder zoor hi.

5. Mose 21:17

Na-a, yob hounte dell ko vavares douy kope yaake boud, yob hi o phoureder, ninna te his lo koy romyatar, kolat kamell lo gar. Yob vas glanstounes boldo oun leske hi o čačepen, te lell lo, hoy o phoureder lell.

Debleskri gili 105:36

Yob das o phoureder morsh čaves moulo haki datar an o them Egiptia. Kolla his lengre dadengri feteder zoor.

1. Mose 29:32

Oun i Lea vas an vavar koova oun anas i čaves ap i phoub. Koles das yoy ko lab Ruben oun penas: “O baro Devel dikas miri bibarht. Čačepah, kanna kamell man miro rom.”

1. Familjakro liil 5:3

O Ruben his o Yakobeskro phoureder čavo. Leskre čave his: o Henok, o Pallou, o Hesron oun o Karmi.

1. Familjakro liil 5:1

O Ruben his o Yakobeskro phoureder čavo. Doleske his les o čačepen, hoy o phoureder čaveske hi. Kova nashras lo, har sovas lo peskro dadeskri romyah. Oun o Rubeneskro čačepen vas i čavenge leskro phralestar Yosef dino. Ninna te his kova yaake, vas gar činlo an i familyakro liil, te his o Yosef o phoureder.

1. Familjakro liil 2:1

Kalla hi o Israeleskre morsh čave: o Ruben, o Simeon, o Levi, oun o Youda, o Issakar, oun o Zabulon,

4. Mose 1:20

I laba kol tsele morshendar, kay his biish bersh oun phoureder oun zorelo doha, te nay venn le lourde, van an lila dren činlo, hakeno pal peskri familya oun dadeskro lab. Kolla his: 46.500 morsha dran o kheer Ruben, o Yakobeskro phoureder čavo. 59.300 morsha dran o kheer o Simeon. 45.650 morsha dran o kheer Gad. 74.600 morsha dran o kheer Youda. 54.400 morsha dran o kheer Issakar. 57.400 morsha dran o kheer Zabulon. 40.500 morsha dran o kheer Efrayim. 32.200 morsha dran o kheer Manasse. 35.400 morsha dran o kheer Benyamin. 62.700 morsha dran o kheer Dan. 41.500 morsha dran o kheer Asser 53.400 morsha dran o kheer Naftali.

4. Mose 26:5

O kheer Ruben: O Ruben his o Yakobeskro phoureder čavo. Leskre čave his o Henok, o Pallou,

1. Mose 48:18

Oun o Yosef penas ap peskro dadeste: “Kre gar yaake, tata! Kava hi o phoureder. Čip tiro čačo vast ap leskro shero!”

1. Mose 46:8

Kolla hi i laba o Israeleskre čavendar, kay van an o them Egiptia: O Yakob oun leskre čave. O Yakobeskro phoureder his o Ruben.

Debleskro tsiro 3:14

“Čin kava liil ap o Debleskro boudepaskro, kay dell yak ap i patslende an o foro Laodicea: Kava penell kova, kay kharell Amen, oun penell hako tsiro o čačepen, oun sikrell i menshende o čačo drom pash o Debleste. Yob his koy pashel, har o Devel lauter kras.

5. Mose 33:6

Palle penas o Mose pral o kheer Ruben: O Ruben te djivell oun merell gar vin, ninna te hi leskre menshe kanna gar boud.

1. Mose 35:22

An ko tsiro har o Israel an ko them djivas, djas o Ruben pash o Yakobeskri vavar romyate, i Bilha, oun čivas pes pash late. Oun o Yakob shounas kova. O Yakobes his deesh-te-douy čave.

1. Mose 35:23

I čave, kolen i Lea ap i phoub anas his o Ruben, ko phoureder čavo o Yakobestar. Pal leste vas o Simeon, o Levi, o Youda, o Issakar oun o Zabulon.

5. Mose 27:13

Oun i menshe dran i khera Ruben, Gad, Asser, Zabulon, Dan oun Naftali kolla djan ap i berga Ebal, te shounenn le, havo praasepen nay vell pral i menshende vin rakedo.