1. Mose 49:27 - O Debleskro Lab 2024 (Sinte-Manouche)

²⁷ O Benyamin hi har i divyo djouklo, kay marella. Taysarlakro rhal lo kova, hoy dandras yob an kotya. Oun rati dell yob i vavaren kolestar, hoy pral ačas.

O Debleskro Drom 2021 (Sinte)

²⁷ O Benjamin hi har i diwjo djuklo, kai marella. Taissarlakro chal lo kowa, hoi dandras job an kotja. Un rati dell job i wawaren kolestar, hoi pral atchas.

1. Mose 49:27 Referans Kwoze

Ezekiel 22:27

Tire pralstoune hi har divye djoukle, kay marenn, oun hi boklo pal rat. Yon marenn menshen, te lenn le lengro koova penge.

Čačepangre 20:25

djan kolla ninna ko dives pale dran o foro Gibea vin oun dan 18.000 (deesh-te-orhta-zerya) morshen dran Israel moulo. Oun kolla his lauter morsha, kay nay kouran o rhareha.

Čačepangre 20:21

Oun i Benyaminarya djan dran o foro Gibea vin, oun dan ap ko dives 22.000 (biish-te-douy-zerya) morshen i Israelendar moulo.

1. Mose 46:21

O Benyamin oun leskre čave: o Bela, o Beker, o Ashbel, o Gera, o Naaman, o Ehi, o Rosh, o Mouppim, o Houppim oun o Ard.

1. Mose 35:18

I Rachel his ap o merepen čiddo. Har yoy meras, das yoy kol čaves ko lab Ben-Oni. Leskro dad das les ko lab Ben-Yamin.

Filiparja 3:5

Me vom ap miro mass činlo, har homs orhta divessa phouro. Me hom i Israelitari. Mire menshe hi Benyaminarya. Me hom i Hebreari. Oun miro dad oun miri day hi ninna Hebrearya. Oun me homs i Farisari, oun djivom pal o Moseskre lila.

Bičepangre 20:29

Me djinau, te hom me gar bouder koy, venn divye djoukle pash t'mende oun marenn boud t'mendar.

Bičepangre 9:1

An ko tsiro his o Saules i bari rholi ap kolende, kay djan o Yezouseskro drom, kamas len te marell, oun djas pash ko baro rashayeste,

Bičepangre 8:3

O Saulo kras lauter, te nay marell lo i tsele patslen. Yob djas an i khera, las len koy vin, morshen har djouvyen, oun vitsras len an o stilepen.

Mateo 10:16

Djinenn, me bičrau t'men har bakre mank i divye djouklende. Doleske venn gosevo har i sapa oun djoudjo har i parne čirkle, an kolende kek rhorhepen hi!

Mateo 7:15

Denn yak, te patsenn gar kol rhorhene rakepangren, kay penenn, te vans le o Deblestar bičedo! Yon krenn, har te vans le t'mare phrala. An lengro dji hi le divye djoukle, kay marenna.

Zefanja 3:3

Lengre pralstoune hi har leve, kay denn i bari gole. Lengre čačepangre morsha hi har divye djoukle an i rati, kay rhan lauter, hoy maran le, oun moukenn či pral o vavar diveske.

Ezekiel 22:25

Tire raya hi mank toute har leve, kay denn gole, har dandrenn le firhen khetne. Yon marenn menshen, čorenn penge bravlepen khetne, oun krenn, te nashrenn boud romya an o them pengre romen.

Jeremia 5:6

Doleske venna leve dran o veesh oun marenn len; divye djoukle dran o divyo oun trouk them dandrenn len an kotya, oun bare divye margodje lourenn glan lengre forya. Hakeno, koon vin vella, vella an kotya dandedo. Lengri doosh hi boud oun phari. Boud kope djan le mandar krik.

5. Mose 33:12

Ap o kheer Benyamin penas lo: Tou hal kova, koles o baro Devel peskro tselo djiyeha kamell, oun peskre vasta pral leste rikrell! O tselo dives dell lo ap toute yak, oun djivell mashkral toute.

4. Mose 23:24

Kay natsyona hi har i terni bari margodja, oun vell zorelo har i bari margodja, hoy čivell pes gar tele, bis te rhas li pre, hoy yoy maras, oun piyas ko rat kolendar, hoy yoy moulo das.

1. Mose 49:26

Dik i berge, hoy djan pral bis an o bolepen oun ačenna hako tsiro! Tiro bravlepen vell bareder har kolla. Ava, bareder har ko lačo koova ap i berge, hoy ačenna hako tsiro. Kova lauter lell o Yosef, kay hi o vi-rodedo mank leskre phralende.

1. Mose 49:28

Kolla lauter hi i deesh-te-douy bare familye, hoy venna o Israeleskre deesh-te-douy čavendar. Kol labentsa penas lenge lengro dad, har lenge djala an ko tsiro, kay vella. Hakeneske his les i vavar lab.