1. Mose 49:24 - O Debleskro Lab 2024 (Sinte-Manouche)

²⁴ his leskro bogo zoreles an leskro vast, oun leskre moussya his zoreles kerdo, o Yakobeskro zorelo Devel das les zoor. Yob dell garda ap o Israel har i bakrengro ap peskre bakre, oun dell len gar pre.

O Debleskro Drom 2021 (Sinte)

²⁴ his leskro bogo soreles an leskro wast, un leskre mussja his soreles kerdo, o Jakobeskro sorelo Dewel das les soor. Job dell garda ap o Israel har i bakrengro ap peskre bakre, un dell len gar pre.

1. Mose 49:24 Referans Kwoze

Debleskri gili 132:2

Yob das pes sovel glan toute, o Yakobeskro zorelo Debleste, oun penas:

Jesaja 28:16

Doleske penell o baro Devel, maro ray: Ap i berga Sion čivau i zorelo bar, ap koleste miro kheer tardo vell. Zorelo oun kouč hi ko bar oun rikrell lauter vin. Ap leste hi tardo: Koon ap mande patsell, nashell peske gar.

Debleskri gili 132:5

bis te hatsom i platsa o baro Debleske, oun krom i kheer o Yakobeskro zorelo Debleske.”

Debleskri gili 80:1

I gili o rayeske pral i gipangre, te givell pash o bashepen ap i shob-doryengri bashepaskri. Kay gili kras o Asaf.

Debleskri gili 18:30

Ava, khetne touha nay djau me an o kourepen. Khetne miro Debleha nay stau me pral bare pre-čidde barra.

Hiob 29:20

Pash i menshende homs hako tsiro an-diklo, oun lom pale te pale nevi zoor.

2. Timoteo 4:17

O ray Yezous his ap miri rig, oun das man i zoor, te nay penap kote o tselo lačo lab lestar, yaake te shounan les ninna kolla, kay hi kek bibolde. Oun yob las man yaake dran lengre vasta vin, har te voms dran i leveskro mouy vin lino.

Efesarja 2:20

I tsele Debleskre menshe hi har yek kheer, kerdo dran barra. T'mer han kol barra, hoy hi tardo ap i telstoune barra. I telstoune barra hi o Yezous Kristeskre bičepangre oun o Debleskre rakepangre. O Yezous Kristo hi ko zorelo bar, hoy rikrell o tselo kheer khetne. Oun o kheer vell baro oun bareder, oun vell i shoukar kheer, kay o Devel djivella.

Jesaja 1:24

Doleske penell o baro Devel, ko ray pral o bolepen oun i phoub, kay hi o Israeleskro zorelo Devel: Dikenn t'men glan! Me dau t'men pale, hoy ap mande kran, t'men, kay kamenn man gar. Miri bari rholi vell pral t'mende, kay krenn lauter vavarčandes, har me kamau.

Debleskri gili 118:22

Ko bar, hoy i boudepangre ap i rig vitsran, kova vas ko zorelo bar, ap koleste o kheer tardo hi.

5. Mose 32:4

Yob hi maro zorelo rikepaskro. Lauter, hoy yob krell, hi mishto. Leskre tsele dromma hi čačo. Maro Devel rikrell peskro lab; an leste hi kek čilačepen. Rhorhepen djinell lo gar.

1. Mose 45:5

Kanna hounte khaytell t'men kova gar, kay bikran man! Rhoyrenn t'men gar pral kova! O Devel bičras man glan t'mende kay, te merenn i menshe gar i bokatar.

Kolossarja 1:11

Lestar mangah, te dell lo t'men peskri bari zoor, te venn t'mare djia zoreles, te djan barhteles doureder ap leskro drom, ninna an ko tsiro, kay hi t'maro djipen pharo.

Remarja 14:4

Kova hi gar tiro koova, te peneh pral i vavareskro boudepaskro: “Kova, hoy yob kras, hi gar mishto.” Leskro ray kokres nay penell: “Kova hi mishto, kova hi gar mishto.” Oun maro ray, o Yezous Kristo, les hi i zoor, te rikrell lo les pash peste, yaake te ačell lo tardo an o patsepen.

Bičepangre 4:11

Kova hi ko bar, kay t'mer ap i rig vitsran. Kova vas i bar, kay hidjrell o tselo kheer.

Louka 20:17

Oun o Yezous dikas ap lende, oun penas: “Hi činlo an o Debleskro lab: His i bar, kay i boudepangre lestar penan: Kova hi či moldo. Ko bar las o Devel oun čivas les yaake an o kheer, te rikrell lo ko tselo kheer khetne.

Markus 12:10

Djinenn t'mer gar, hoy an o Debleskro lab činlo hi? Kote hi tardo: His i bar, kay i boudepangre lestar penan: Kova hi či moldo. Ko bar las o Devel oun čivas les yaake an o kheer, te rikrell lo ko tselo kheer khetne.

Mateo 21:42

Penas o Yezous ap lende: “Djinenn t'mer gar, hoy an o Debleskro lab činlo hi? Kote hi činlo: His i bar, kay i boudepangre lestar penan: Kova hi či moldo. Ko bar las o Devel oun čivas les yaake an o kheer, te rikrell lo ko tselo kheer khetne. O Devel kras kova, oun kova hi i baro koova menge.

Zakarie 10:12

Me, o baro Devel, krau mire menshen zoreles. Oun yon mangenn man an oun shounenn ap mande. Kova penell o baro Devel.

Zakarie 3:9

Dikenn ko yek bar, hoy čivom glan o Yeshoua, ap leste hi efta yaka. Oun me činau laba an ko bar, penell o baro Devel, ko ray pral o bolepen oun i phoub. Me lau i doosh ko themestar krik ap yek dives.

Jesaja 60:16

Tou leh o bravlepen i menshendar dran vavar themma oun kouč koova lengre rayendar. Palle hayveh, te hom me, o baro Devel, kova, kay las tout vin dran o pandepen, te hom me, o Israeleskro zorelo Devel, kova, kay touke playsras.

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Jesaja 29:24

Oun kolla, hoy či hayvan, hayvenn palle, hoy mishto oun gar mishto hi. Oun kolla, kay moukenn pen či te penell, lenn kova an, hoy lenge siklo vell.

Debleskri gili 89:1

Givede laba, hoy o Etan dran i familya Esra pre-činas.

Debleskri gili 44:7

Me djinau, miro bogo krell man gar zoreles, oun miro rharo nay lell man gar vin dran i čilače vasta.

Debleskri gili 28:8

O baro Devel hi o zorelo ap i rig peskre menshendar. Oun o baro rayeske, hoy yob vi-rodas, hi lo har i baro zorelo kheer.

Debleskri gili 27:14

Rike tout ap o baro Debleste tiro tselo djiyeha! Ab zoreles, oun ma traash, oun rike tout ap o baro Debleste!

Debleskri gili 23:1

I gili o Davidestar. O baro Devel dell yak ap mande har i bakrengro dell yak ap peskre bakre. Man hi lauter, hoy man hounte vell djipaske.

Debleskri gili 18:1

I gili o rayeske pral i gipangre. O David, kay o baro Debleskro boudepaskro hi, kras kay gili oun givas lat o baro Debleske ap ko dives, har o baro Devel les vin las dran i vasta lauterendar, kay leske čilačepen kaman, oun ninna dran i vasta o baro rayestar Saul.

Nehemia 6:9

Yon lauter kaman menge daar te krell, te boudras gar doureder, te vell i massouri gar kerdo. Doleske krom mire vasta zorleder.

5. Mose 34:9

Oun o Yosua, koleskro dad o Noun his, vas pherdo gosvepen. Kova vas, har čivas o Mose peskre vasta ap leste. Oun i Israelitarya shounan ap leste oun kran yaake har o baro Devel o Moseske penas, te hounte krenn le.

2. Mose 3:6

Oun pale penas lo ap o Moseste: “Me hom tiro dadeskro Devel, oun o Abrahameskro Devel, oun o Isaakeskro Devel oun o Yakobeskro Devel.” Oun o Mose čivas i diklo glan peskre yaka. Yob daras, te dikell lo ap o Debleste.

1. Mose 50:21

Ma darenn! Me dikau ap t'mende oun t'mare čavende.” Yaake rakras yob lače labentsa ap lengre djia.

1. Mose 47:12

Ninna maro das yob peskro dadeste oun peskre phralende lengre familyentsa, yaake boud, kay hakenes doha his.

1. Mose 45:11

Oun me dau tout halauter, hoy tout hounte vell djipaske. Yaake te vess gar čorvelo, tou oun tiri familya oun lauter hoy tout hi. Panč bersha hi glan mende, kay hi i menshen či te rhal.

1. Mose 45:7

Oun o Devel bičras man glan t'mende an kava them, te lell yob t'men dran i bari bok vin, te ačenn t'mer oun t'mare čave djido ap i phoub.

1. Mose 48:15

Oun yob rakras o Debleskri barht vin pral o Yosefeste oun penas: Ko Devel, kay djas miro papo Abraham oun miro dad Isaak ap leskro drom, ko Devel, kay das garda ap mande bis kava dives, har dell garda i bakrengro ap peskre bakre,

1. Mose 49:23

I kourepangre his rhoyedo ap leste. Ninna te dan le ap leste karye oun lan les palla,

5. Mose 33:27

Hako tsiro his lo koy. Pash leste nay khatreh tout. Hako tsiro rikrell lo peskre moussya pral toute. Yob tradas kolen glan toute vin, kay kouran pen touha, oun penas touke: Mare len!

2. Samuel 5:2

Glan i rah tsiro har o Saul baro ray pral mende his, anal tou o Israel an o kourepen oun pale khere. Oun o baro Devel penas touke ninna: Tou dess yak ap mire menshende Israel, oun tou vess o ray pral o Israel.”

Debleskri gili 73:23

Kanna ačau hako tsiro pash toute. Tou rikreh man pash miro čačo vast.

Debleskri gili 132:1

I gili te givell ap o drom an Yerusalem. Baro Devel, ma biste o Davides oun ko tselo pharo koova, hoy lo ap peste las.

Jesaja 49:26

Kolla, kay rhan tout, kolla hounte rhan pengro mass oun hounte piyenn pengro rat, oun venn kolestar yaake mato, har te piyans le goudli mool. Palle hayvenn i tsele menshe, te hom me o baro Devel, kova, kay lell tout vin dran o merepen, oun tserdell tout vin dran i čilače vasta, me o zorelo Devel o Yakobestar.

Josua 17:18

Kol berge, kay o veesh hi, venn t'menge, yaake dour har o veesh hi. T'mer nay denn i rouka tele, oun nay djivenn koy. Oun ninna i Kanaanitaryen nay tradenn vin dran o them. T'mer venn zorleder har yon, ninna te hi len sasterne kourepangre vourdya.”

Čačepangre 1:22

Ninna i morsha dran o kheer Yosef djan pre pash o foro Betel, oun o baro Devel his lentsa.

2. Rajengro liil 13:16

penas o Elisa ap leste: “Tserde o bogo tiro vasteha!” Oun yob tserdas les peskro vasteha. Oun o Elisa čivas peskro vast ap o baro rayeskro vast,